ރައީސް މިއަދު ވަނީ ހދ. އަތޮޅަށް އަތޮޅަށް ރަސްމީ ދަތުރެއް ފައްޓަވާފައެވެ. އެގޮތުން ރައީސް މިހެން ހާމަކުރެއްވީ އެ އަތޮޅުގެ 2 ވަނަ މަންޒިލް ކަަމަށްވާ ފިއްލަދޫއަށް ވަޑައިގެން ރަށު ރައްޔިތުންނާ ބައްދަލުކުރެއްވުމަށް ބޭއްވި ރަސްމިޔާތުގައެވެ.
ރައީސް ވިދާޅުވީ ހދ އަތޮޅުގައި އޮންނަ ނާގޯށި، އެ ރަށް ރިސޯޓެއް ގޮތުގައި ހުޅުވުމަށް އެމްޓީޑީސީއަށް ސަރުކާރުން ދޫކޮށްފައިވާތާ ގިނަ އަހަރުތަކެއް ވެފައިވާކަމަށެވެ. އަދިވެސް ނުހެދި އޮތުމާއެކު އެކަން ނިމުމަކަށް ގެެނެސް، އެ ރިސޯޓަށް ސަރުކާރުގެ އެހީތެރިަކްނ ދީ ހުޅުވުމަކީ މިހާރުގެ އަމާޒުކަމުގައި ރައީސް ވިދާޅުވިއެވެ.
ރިސޯޓެއްގެ ގޮތުގައި ނާގޯށި ތަރައްގީ ކުރަން އެންމެ ފުރަތަމަ ހަވާލުކުރީ 2007 ގައި ރަޝިޔާގެ ކުންފުންޏެއް ކަމަށްވާ ތްރީކޭއާ އެވެ.
ނާގޯށީގައި 600 އެނދުގެ ރިސޯޓެއް ތަރައްގީކުރަން އެމްޓީޑީސީން މަސައްކަތް ކުރި ނަމަވެސް ދައްކަން ޖެހޭ ކުލި ގަވައިދުން ނުދެއްކުމާ ގުޅިގެން 2016 ގައި އެ ކުންފުނީގެ އެއްބަސްވުން ބާތިލުކުރި އެވެ. އަދި އެ އެއްބަސްވުން ބާތިލުކުރިއިރު, އެ ރިސޯޓްގެ %37 މަސައްކަތް ވަނީ ނިންމައިފަ އެވެ. އެގޮތުން ނާގޯށީގައި ހަދާ ގިނަ ވިލާތަކާއި ރެސްޓޯރެންޓްތަކާއި އެހެނިހެން އިމާރާތްތަކުގެ ކޮންސްޓްރަކްޝަންގެ ގިނަ މަސައްކަތްތައް ގާތްގަނޑަކަށް ވަނީ ނިމުމަކަށް އައިސްފަ އެެވެ.
2017 ވަނަ އަހަރު އެމްޓީޑީސީގެ އަތުން ސަރުކާރުން އެރަށް ނެގުމަށްފަހު 2021 ގައި އާ ލީޒެއްގެ ދަށުން އެ ރަށް އެމްޓީޑީސީއާ ހަވާލުކުރީ 2021 ގަ އެވެ.
