ހުރިހާ މަޝްރޫއުތަކެއް ހިންގަނީ ޕްލޭނާއި ބަޖެޓާ އެކު ކަމަށް ރައީސް މުހައްމަދު މުއިއްޒު މިއަދު ވިދާޅުވެއްޖެއެވެ.
Advertisement
އަތޮޅުތެރެއަށް ކުރައްވަމުންދާ ދަތުރުފުޅުގައި ހއ. މުރައިދޫގައި ރައްޔިތުންނާ ބައްދަލުކުރެއްވުމަށްފަހު މިހެން ވިދާޅުވީ އިދިކޮޅު ފަރާތްތަކުން ކުރަމުންދާ ތުހުމަތުތަކަށް ރައްދު ދެއްވަމުންނެވެ.
"އެއްވެސް ޕްލޭނެއް ނެތި، ބަޖެޓް ނުކޮށް ކަންކަން ކުރާނެ ވާހަކަ ދައްކަނީއޭ ބުނާ ބުނުމަކީ ހަގީގަތެއް ނޫން،" ރައީސް މުއިއްޒު ވިދާޅުވިއެވެ.
ރައީސް މުއިއްޒު ވިދާޅުވި ގޮތުގައި ރަށްރަށަށް ކުރައްވާ ދަތުރުފުޅުތަކުގައި ރައްޔިތުންނާ ހިއްސާ ކުރައްވަނީ ރޭވި، ބަޖެޓް ކުރެވިފައިވާ ކަންކަމެވެ. އަދި ރައްޔިތުންގެ ހާލަތު ގާތުން ބައްލަވައި، މަޝްވަރާކުރައްވައި، ވައުދުވެވަޑައިގެންފައިވާ ކަންކަން އަވަސް ދުވެއްޔެއްގައި ކުރިއަށް ގެންދެވުމަށް މަސައްކަތް ކުރައްވަމުން ގެންދަވާ ކަމަށް ވެސް ވިދާޅުވިއެވެ.
- ސަރުކާރުގެ ހުރިހާ މަޝްރޫއުތަކެއް ހިންގަނީ ޕްލޭނާއި ބަޖެޓާ އެކު
- ރައްޔިތުންނާ ހިއްސާކުރަނީ ބަޖެޓް ކުރެވިފައިވާ ކަންކަން
- އިދިކޮޅުން ތުހުމަތު ކުރަނީ ހޮޅި ވައުދުތަކެއް ކަމަށް
- ރައީސްގެ ވައުދަކީ ވެރިކަމުގެ ފަސް އަހަރު ތެރޭގައި ހުރިހާ ރަށަކަށް ދެފަހަރު ދަތުރުކުރެއްވުން
- އިދިކޮޅުން މި ދަތުރުތައް ސިފަކުރަނީ 2028 ގެ އިންތިހާބީ ކެމްޕޭނެއްގެ ގޮތުގައި
