ads
ފޮޓޯ: ރައީސް އޮފީސް
ބޭރުގެ ވިޔަފާރިތަކުން ރާއްޖޭގެ އިގްތިސާދާ މެދު އިތުބާރު އުފެދިއްޖެ: ސައީދު
ރައީސް ޑރ.މުހައްމަދު މުއިއްޒު ވެރިކަމާ ހަވާލުވެވަޑައިގެން އިރާއި މިހާރާ ބަލާނަމަ ބައިނަލްއަގުވާމީ ވިޔަފާރީތަަކަށް ރާއްޖޭގެ އިގްތިސާދާ މެދު އިތުބާރު އުފެދިފައިވާކަމަށް އިކޮނޮމިކް މިނިސްޓަރު މުހައްމަދު ސައީދު ވިދާޅުވެއްޖެއެވެ.
Advertisement

ސައީދު މިހެން ވިދާޅުވީ ރައީސް މުއިއްޒު މިހާރު ހއ އަތޮޅަށް ކުރައްވާ ދަތުރުފުޅާ ބެހޭ ގޮތުން ދައުލަތުގެ މީޑިއާއަށް މައުލޫމާތު ދެއްވަމުންނެވެ.

ރައީސް ޑރ.މުހައްމަދު މުއިއްޒުގެ ސަރުކާރުން ހަވާލުވެ ޒިންމާނަގަން ޖެހުނީ ވަރަށް ނާޒުކު ހާލަތެއްގައި އޮތް އޮގްތިސާދެއް ކަމަށާއި ، ވަރަށް ބުރަ  މަސައްކަތާއެކު ގައުމުގެ  އިގްތިސާދީ ހާލަތު ރަނގަޅުކޮށް ، ގައުމު މިހާރު މިވަނީ ނުދަރާ ކުރިއަށް ގެންދެވޭވަރު ކުރެވިފައި ކަމަށް ސައީދު ފާހަގަކުރެއްވިއެވެ.

ގައުމު ނުދަރާ ހިނގަން ފެށުމާއެކުު މުޅިން އާ މަޝްރޫއުތައްވެސް ކުރިއަށް ދާކަަމަށާއި މީގެފަހުން ގައުމު ދާނީ ހަމަޖެހުމުގެ ނޭވާއެއް ލައިގެންކަަމަށް ސައީދު ވިދާޅުވިއެވެ.

"ރައީސް ޑރ.މުހައްމަދު މުއިއްޒު ވެރިކަމާ ހަވާލުވެވަޑައިގެން އިރާއި މިހާރާ ބަލާނަމަ ބައިނަލްއަގުވާމީ ވިޔަފާރީތަަކަށް ރާއްޖޭގެ އިގްތިސާދާ މެދު އިތުބާރު އުފެދިއްޖެ، މިސާލަކަށް މި ދަތިހާލަތުގައިވެސް، އެއާ އެމްބިއުލާންސްގެ މަސައްކަތް ފެށިއްޖެ، ވައިޑް ބޮޑީ އޮޕަރޭޝަން ފެށިގެން ޗައިނާއިން މިހާރު ސީދާ ފަތުރުވެރިން އެއޮށް ގެންނަނީ" މިނިސްޓަރު ސައީދު ވިދާޅުވިއެވެ.

އެހުރިހާ ކަމަކާއެކު ގައުމު ހުއްޓުމަކަށް ނައިސް އޭރު ވެއްޓިފައި އޮތް ނުރައްކާތެރި އަނދަވަޅުން ސަލާމަތްވެ ވަޒީފާގެ ބާޒާރަށް ތަނަވަސްކަން މިހާރު ގެނެވިފައިވާކަމަށާއި އަދި އުމްރާނީ މަސައްކަތްތައް ފެށިގެން ގޮސްފައިވާކަމަށް ސައީދު ވިދާޅުވިއެވެ.

ސައީދު އިތުރަށް ވިދާޅުވީ މިއަހަރު ވެގެންދާނީ އިގްތިސާދީ މަސައްކަތްތަކުގައި ދުވެލި ބާރު އަހަރަކަށް ކަމަށެވެ. އަދި ބަޖެޓުގައި ޖަހާފައިވާ މަޝްރޫއުތައް އަދި އިންވެސްޓްމަންޓުތަކުގެ އިތުރުން  ބަޖެޓުގެ ބޭރުންވެސް ތަފާތު ރޮނގުތަކުން މަޝްރޫއުތައް ކުރިއަށްދާނެ ކަމަށް ސައީދު ވިދާޅުވިއެވެ.

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް