ރައީސް މުއިއްޒު އިހަވަންދޫގައި
އިހަވަންދޫގައި އައިޑީ ކާޑާއި ޕާސްޕޯޓު ދޫކުރަން ފަށައިފި
ގުފްތަގް އަޖީރު
29 ޖެނުއަރީ 2025 - 19:08:11
ރައީސް މުއިއްޒުގެ ހއ. އަތޮޅަށް ކުރައްވާ ދަތުރުފުޅުގެ ތެރެއިން އިހަވަންދޫގައި އައިޑީ ކާޑާއި ޕާސްޕޯޓު ދޫކުރުމުގެ ހިދުމަތް މިއަދު ފަށައިފިއެވެ.
Advertisement
މި ހިދުމަތް އިފްތިތާހުކޮށްދެއްވީ ދާހިލީ ސަލާމަތާއި ފަންނިއްޔާތާބެހޭ މިނިސްޓަރު އަލީ އިހުސާނެވެ.
ރައްޔިތުންނާ ގާތުން ހިދުމަތް ދިނުމުގެ ސިޔާސަތުގެ ދަށުން އައިޑީ ކާޑާއި ޕާސްޕޯޓު ދޫކުރުމުގެ ހިދުމަތް ރާއްޖޭގެ އެކި ސަރަހައްދުތަކަށް ފުޅާކުރަމުން ދާއިރު، މިހާރު ވަނީ ހއ. ދިއްދޫގައިވެސް އައިޑީ ކާޑު ޕްރިންޓްކޮށް ދޫކުރުމުގެ ހިދުމަތް ފަށާފައެވެ. މީގެ އިތުރުން ރ. އުނގޫފާރުގައިވެސް މި ހިދުމަތް ވަނީ ފަށާފައެވެ.
ސަރުކާރުން މިދިޔަ ނޮވެމްބަރު މަހު އާންމުކުރި މަގުޗާޓުގައިވާ ގޮތުން މި އަހަރުގެ ނިޔަލަށް ކޮންމެ ސިޓީއަކާއި އަތޮޅެއްގައި ކަނޑައެޅޭ ވަކި ސަރަހައްދުތަކުގައި މި ހިދުމަތްތައް ގާއިމުކުރުމަށް ވަނީ ނިންމާފައެވެ. މިއީ ރައީސް މުއިއްޒުގެ ސަރުކާރުގެ މުހިންމު ސިޔާސަތެއްގެ ގޮތުގައި ފާހަގަކުރެވެއެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
