ގެއްލިގެން ހޯދަމުން އަންނަނީ އެ ރިސޯޓްގެ މުވައްޒަފެއްކަމަށްވާ އުމުރުން 25 އަހަރުގެ އާފްތާބު ހާން ކިޔާ އިންޑިއާގެ ފިރިހެނެކެވެ.
އެމްއެންޑީއެފުން ބުނީ އެމީހާ ގެއްލިގެން އެ އިދާރާއަށް ރިޕޯޓްކުރީ މި 27 ވަނަ ދުވަހުގެ 16:41 ހާއިރުކަމަށެވެ. އެ ރިޕޯޓް ލިބުމާއި އެކު އެ މީހާ ހޯދުމުގެ މަސައްކަތް ކޯސްޓްގާޑް ފަސްޓް ސްކޮޑްރަންއިން ފަށާފައިވާކަމަށްވެސް އެމްއެންޑީއެފުން ބުނެއެވެ.
މި ގޮތުން އެމީހާ ހޯދަން ކުރެވުނު މަސައްކަތުން ކޯސްޓްގާޑް ފަސްޓް ސްކޮޑްރަންގެ ހާބާ ކްރާފްޓާއި ސީ އެމްބިއުލައިން އަދި ޕޮލިސް ސާވިސްގެ އެހީތެރިކަމާ އެކު ކަނޑުމަގުން 74.18 ސްކެއާ ނޯޓިކަލް މޭލް ބަލާފައިވާކަމަށް އެމްއެންޑީއެފުން ބުނެއެވެ. އަދި ކޯސްޓްގާޑްގެ ޑައިވަރުންނާއި އިފުރު މޯލްޑިވްސް ރިސޯޓް މުވައްޒަފުންގެ އެހީތެރިކަމާ އެކު ޑައިވްކޮށްގެން 160718 ސްކެއާ މީޓަރު ބަލާފައިވާކަމަށްވެސް އެމްއެންޑީއެފުން ބުނެއެވެ. އަދި ވައިގެ މަގުންވެސް އޭނާ ހޯދުމުގެ މަސައްކަތް ކުރަމުން އަންނަކަމަށް އެމްއެންޑީއެފުން ބުނެއެވެ.
ގެއްލުނު މީހާ ހޯދުމުގެ ޑްރޯން ބޭނުންކުރާކަމެއް ނުވަތަ ނޫންކަމެއް އެމްއެންޑީއެފަކުން ނުބުނެއެވެ.
