Emerald Resort in filili 60 bidheyseen maduvvareen hoadhaifi

ހަބަރު / ޕޮލިސް

ގަވާދާ ހިލާފަށް ރާއްޖޭގައި އުޅެނިކޮށް އަތުލައިގަނެފައިވާ ބިދޭސީންތަކެއް

އެމެރަލްޑް ރިސޯޓުން ފިލި 60 ބިދޭސީން މަޑުއްވަރީން ހޯދައިފި

ގުފްތަގް އަޖީރު

30 ޖެނުއަރީ 2025 - 15:30:22

އިމިގްރޭޝަނުން ހިންގި އޮޕަރޭޝަނަކުން ސަލާމަތްވުމަށް އެމެރަލްޑް ރިސޯޓުން ރ. މަޑުއްވަރިއަށް ފިލި 60 ބިދޭސީން ހޯދައި، އެމީހުން މަސައްކަތްކުރާ ރިސޯޓަށް އަނބުރާ ފޮނުވާލައިފި އެވެ.

ލޯންޗްތަކެއްގައި އެރަށަށް ދިޔަ ބިދޭސީންގެ ތެރެއިން ފުރަތަމަ ހޯދުނު 19 މީހުން ވަނީ ހަމަ އެދުވަހު ރިސޯޓަށް ފޮނުވާލާފައިކަމަށް އެ ރަށު ކައުންސިލުން ބުނެއެވެ. ނަމަވެސް އެހެން ބިދޭސީން ރަށުގައި ދިރިއުޅޭ ބިދޭސީންނާއެކު އެކި ތަންތަނަށް ފޮރުވިގެން ދިއުމުން ހޯދަން އުނދަގޫވި އެވެ.

ލުހުންގެ އެހީތެރިކަމާއެކު ބާކީ ތިބި 41 ބިދޭސީން ވެސް ހޯދައި، އެމެރަލްޑް ރިސޯޓަށް ފޮނުވާލެވިފައިވާ ކަމަށް އެ ރަށު ކައުންސުން ބުނެއެވެ. މި މައްސަލަ ބަލަމުން އަންނަކަން ފުލުހުން ވެސް ވަނީ ސީއެންއެމްއަށް ކަށަވަރުކޮށްދީފައެވެ.

އިމިގްރޭޝަނުން މިހާރު ހިންގަމުންދާ އޮޕަރޭޝަންގެ ދަށުން އެންމެ ފަހުގެ ތަފާސްހިސާބުތަކުން ދައްކާ ގޮތުގައި އަހަރެއްގެ ތެރޭގައި 5،000 ބިދޭސީން ވަނީ ޑީޕޯޓްކޮށްފައެވެ.