
މި ބަދަލު ގެނެސްފައިވަނީ ބޭންކުތައް ފިޔަވައި ދެން ހުރި ސަރުކާރުގެ ކުންފުނިތަކަށެވެ.
ޕީސީބީން މިއަދު ކުންފުނިތަކަށް ފޮނުވި ސާކިއުލާއެއްގައި ބުނީ އެގޮތަށް އެންގީ ސަރުކާރު ހިއްސާވާ ކުންފުނިތަކުގެ މުވައްޒަފުންގެ ތެރެއިން ޓެކްނިކަލް ދާއިރާތަކުގައި މަސައްކަތްކުރާ މުވައްޒަފުން ނުހިމެނޭ ގޮތަށް ކުންފުނިތަކުގެ އެންމެ އިސްވެރިންނަށް އެންމެ ބޮޑުކޮށް ދެވޭނީ 90،000ރުފިޔާ ކަމަށް ރައީސް ކަނޑައެޅުއްވުމުންކަމަށެވެ.
އެ ނިންމުގައި ވަނީ ބޭންކުތައް ފިޔަވައި ސަރުކާރު ހިއްސާވާ ކުންފުނިތަކުގެ ބޯޑު ޑިރެކްޓަރުންގެ ތެރެއިން (ރާއްޖެއިން ބޭރުގެ ޑިރެކްޓަރުން ފިޔަވައި) ޗެއާމަނުން، މެނޭޖިން ޑިރެކްޓަރުން އަދި ޑެޕިއުޓީ މެނޭޖިން ޑިރެކްޓަރުން ހިމެނޭހެން މަހު މުސާރަ އާއި އިނާޔަތުގެ ގޮތުގައި 90،000 ރުފިޔާއަށްވރެ އިތުރަށް ލިބޭ ޑިރެކްޓަރުންގެ މުސާރައިން އެއަށް ވުރެ އިތުރުވާ ބައި ޑިޑަކްޝަންގެ ގޮތުގައި އުނިކޮށް،90،000 ރުފިޔާއަށް ވުރެ ބޮޑުނުވާނެ ގޮތަށް މުސާރަ އާއި އިނާޔަތް ދިނުމަށެވެ. މީގެއިތުރުން ޓެކްނިކަލް މަސައްކަތްކުރާ މުވައްޒަފުން ފިޔަވައި އެހެނިހެން މުވައްޒަފުންގެ ތެރެއިން މުސާރަ އާއި އިނާޔަތްތައް 90،000. ރުފިޔާއަށް ވުރެ އިތުރުވާ ނަމަ ހަމަ އެ ގޮތަށް ބަދަލުކުރަންވެސް ވަނީ އަންގާފައެވެ.
މި ބަދަލާއި ގުޅިގެން ގާނޫނީ ގޮތުން މުވައްޒަފުންނާ އެކު ހެދިފައިވާ އެއްބަސްވުންތަކަށް ގެންނަން ޖެހޭ ބަދަލުތައް ގެނައުމަށްވެސް ޕީސީބީން ވަނީ ކުންފުނިތަކަށް ވަނީ އަންގާފައެވެ.