އެސްޓިއޯއިން ވަނީ އެކުންފުނީގެ މިިދޔަ އަހަރުގެ އެންމެ ފަހު ކުއާޓާގެ މާލީ ހިސާބުތައް އާއްމުކޮށްފައެވެ. އެ ހިސާބުތައް ދައްކާގޮތުން މިދިޔަ އަހަރު ކުންފުންޏަށް 15 ބިލިއަން ރުފިޔާގެ އާމްދަނީ އެއްވަނީ ލިބިފައެވެ.
މދިޔަ އަހަރު ލިބުނު އާމްދަނީ އޭގެ ކުރީ އަހަރާއި އަޅާ ބަލާއިރު ދަށްވެފައެވެ. އެގޮތުން 2023 ވަނަ އަހަރު އެސްޓީއޯއަށް އާމްދަނީގެ ގޮތުގައި 16.4 ބިލިއަން ރުފިޔާ ވަނީ ލިބިފައެވެ.
އެސްޓީއޯއިން ބުނީ ޖުމްލަ އާމްދަނީ ދަށަށް ދިޔައީ ދުނިޔޭގެ ބާޒާރުގައި ތެލުގެ އަގަށް އައި ބަދަލުގެ ސަބަބުންކަމަށެވެ. އެގޮތުން އެ ކުންފުނިން ވިއްކާ ތެޔޮ މިދިޔަ އަހަރު ތެރޭ ތިން ފަހަރެއްގެ މަތިން އަގުހޮޔޮކުރުމުން، އެ ވިޔަފާރިން ލިބުނު އާމްދަނީ ދަށްވެގެންދިޔަކަމަށް އެސްޓީއޯއިން ބުނެއެވެ.
މިދިޔަ އަހަރު އެސްޓިއޯއަށް ފައިދާފެ ގޮތުގައި ލިބުނީ 2.4 ބިލިއަން ރުފިޔާއެވެ. މީ އޭގެ ކުރީ 2023 ވަނަ އަހަރާއި އަޅާ ބަލާއިރު 12 އިންސައްތަ ދަށް އަދަދެކެވެ.
އެސްޓީއޯގެ ސާފު ފައިދާގެ ހިސާބުތައް
- 2022 ވަނަ އަހަރު 728 މިލިއަން
- 2023 ވަނަ އަހަރު 818 މިލިއަން ( އެސްޓީއޯގެ ތާރީހުގައި ވެސް ރެކޯޑް އަދަދެއް )
އެސްޓީއޯގެ ހިސާބުތައް ދައްކާގޮތުން އެ ކުންފުންޏަށް މިދިޔަ އަހަރުގެ ފަހު ކުއާޓަރުގައި ލިބުނު ފައިދާ ވަނީ އޭގެ ކުރީ ކުއާޓަރާ އަޅާބަލާއިރު އިތުރުވެފައެވެ. މިދިޔަ އަހަރުގެ ތިންވަނަ ކުއާޓާގައި އެކުންފުންޏަށް 155 މިލިއަން ރުފިޔާ ލިބުނު އިރު ފަހު ކުއާޓަރުގައި ލިބުނީ 218 މިލިއަން ރުފިޔާއެވެ.
