ދެ މިނިސްޓްރީ އެއްކޮށްލާ އާ މިނިސްޓްރީ އަށް ދީފައިވާ ނަމަކީ މިނިސްޓަ އޮފް ޓޫރިޒަމް އެންޑް އެންވަޔަރަންމަންޓްއެވެ.
ޓޫރިޒަމް މިނިސްޓަރުގެ މަގާމުން ރައީސް، ފައިސަލް ވަކި ކުރެއްވީ މިދިޔަ އަންގާރަ ދުވަހުއެވެ. އެހެންނަމަވެސް ފައިސަލް ވަކި ކުރެއްވި ސީދާ ސަބަބެއް ސަރުކާރުން ބުނެފައެއް ނުވެއެވެ.
ތާރިގު މަގާމަށް އައްޔަން ކުރައްވާ މަގާމުގެ ހުވާ މިއަދު ވަނީ ކުރައްވާފައެވެ.
މި ރަސްމިއްޔާތުގައި މިނިސްޓާ އޮފް ޓޫރިޒަމް އެންޑް އެންވަޔަރަންމަންޓްގެ މަޤާމަށް ޢައްޔަނުކުރެއްވުމުގެ ކުރިން، ސުޕްރީމް ކޯޓުގެ ފަނޑިޔާރު މަހާޒް ޢަލީ ޒާހިރުގެ ކުރިފުޅުމަތީގައި ތާރިޤު އިބްރާހީމް ވަނީ ހުވައި ކުރައްވާފައެވެ. އަދި މި ރަސްމިއްޔާތުގައި މިނިސްޓާކަމުގެ ލިޔުން ހަވާލުކުރެއްވީ ރައީސުލްޖުމްހޫރިއްޔާއެވެ.
މިނިސްޓަރ އޮފް ޓޫރިޒަމް އެންޑް އެންވަޔަރަންމަންޓްގެ މަޤާމަށް ތާރިޤު އިބްރާހީމް ޢައްޔަނުކުރެއްވުމަށްފަހު ރައީސް ވަނީ އެބޭފުޅާއާއި ބައްދަލުކުރައްވާފައެވެ. އެގޮތުން ތިމާވެއްޓާއި ފަތުރުވެރިކަން ގުޅުވައިގެން ރާއްޖެ އިޝްތިހާރުކުރެއްވުމުގެ މުހިންމުކަން އެމަނިކުފާނު ފާހަގަކުރެއްވިކަމަށް ރައީސް ވިދާޅުވިއެވެ.
ފައިސަލް މަގާމުން ވަކިކުރުމުން ނެރުނު ބަޔާނެއްގައި ބުނެފައިވަނީ ޓްއަރިޒަމް މިނިސްޓަރުކަން ކުަރަން ފުރުސަތު ލިބުމަކީ ލިބުނު ނުހަނު މަތިވެރި އުފަލަކާއި ޝަރަފެކެވެ ދިވެހި ސަރުކާރާއެކު ދިވެހި ގައުމަށް ހިދުމަތް ކުރި އިރު، ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ފަރާތްޕުޅުންނާއި އެ މަނިކުފާނުގެ ވަޒީރުންގެ މަޖިލީހާއި ޓޫރިޒަމް މިނިސްޓަރީގެ ސިޔާސީ މުވައްޒަފުންނާއި ސިވިލް ސާވިސް މުވައްޒަފުންގެ ފަރާތުން ނުހަނު އެއްބާރުލުން ލިބުނުކަން ފައިސަލް ވަނީ ފާހަގަކުރައްވާފައެވެ.
