ސަރުކާރު ހޮވަނީ ވޯޓުން ކަމަށާއި، ބަދަލުވެސް ކުރަންވާނީ ވޯޓުން ކަމަށް މުހުސިން ވިދާޅުވީ، އިދިކޮޅު އެމްޑީޕީން އިސްނަގައިގެން ރޭ މާލޭގައި ބޭއްވި މުޒާހަރާއާ ގުޅިގެން ސޯޝަލް މީޑިއާގައެވެ.
"ފުދިއްޖެ ފުނޑިއްޖެ" ގެ ނަމުގައި އެމްޑީޕީން ރޭ މާލޭގައިވަނީ ހިނގާލުމެއް ބާއްވާފައެވެ. މި ހިނގާލުމާ ގުޅުވައި، މުހްތާޒް ވިދާޅުވީ ސަރުކާރު ބަދަލކުކުރަންވާނީ ވޯޓުން ކަމަށެވެ.
ބަގާވާތެއް ގެނެސް ވެރިކަން ވައްޓާލުމަށް ފެތުރިފައިވާ ވާހަކަ ތަހުގީގުކުރަން ވެސް ކުރީ ޕްރޮސެކިއުޓާ ޖެނެރަލް މުހުތާޒް މުހުސިންވަނީ ކުރިން ގޮވާލައްވާފައެވެ.
އޭރު މުހްތާޒު އެކަމަށް ގޮވާލައްވާފައިވަނީ ބަގާވާތެއް ގެނެސް ރައީސް ޑރ. މުހައްމަދު މުއިއްޒުގެ ވެރިކަން ވައްޓާލަން، އިދިކޮޅު ފަރާތްތަކުން އިންޑިއާގެ ރޯ އެޖެންޓުންގެ އެހީތެރިކަމާއެކު ރޭވުމެއް ކުރިއަށް ގެންދިޔަކަމަށް ބުނެ އެމެރިކާގެ މަގުބޫލު ނޫސް ވޮޝިންޓަން ޕޯސްޓްގައި ޖެހި ރިޕޯޓަކާ ގުޅިގެންނެވެ. އެކަމަކު އެ ރިޕޯޓު ސަރުކާރުންވަނީ ފަހުން ދޮގުކޮށްފައެވެ.
