މިނިސްޓްރީ އޮފް ސިޓީސް، ލޯކަލް ގަވަމަންޓް އެންޑް ޕަބްލިކް ވޯކްސްގެ ފަސް އަހަރުގެ އެކްޝަން ޕްލޭން އިފްތިތާހު ކުރުމަށް ބޭއްވި ރަސްމިއްޔާތުގައި މި މަޢުލޫމާތު ހާމަކުރެއްވީ މިނިސްޓަރ އާދަމް ޝަރީފް އުމަރެވެ. މިނިސްޓަރު ވިދާޅުވީ މި ސާވޭ ކުރިއަށް ގެންދިއުމަށް ރައީސް ޑރ. މުހައްމަދު މުއިއްޒު އިރުޝާދު ދެއްވާފައިވާ ކަމަށެވެ.
ސާވޭގެ އިތުރުން ހދ. ހިރިމަރަދޫ ރައްޔިތުން އެހެން ރަށަކަށް ބަދަލުކުރުމުގެ މަސައްކަތް ވެސް ލޯކަލް ގަވަމަންޓް މިނިސްޓްރީން އިސްނަގައިގެން ކުރިއަށް ގެންދިއުމަށް ވަނީ ނިންމާފައެވެ. މިނިސްޓަރު އާދަމް ޝަރީފް އުމަރު ވިދާޅުވި ގޮތުގައި ރައްޔިތުންގެ ވިސްނުމާއި ފިކުރު އޮތްގޮތް ދެނެގަތުމަކީ މުހިއްމު ކަމެކެވެ.
މިނިސްޓްރީގެ ފަސް އަހަރުގެ އެކްޝަން ޕްލޭނުގައި ރައީސްގެ ވައުދުތަކާއި ސަރުކާރުގެ ސިޔާސަތުތައް ތަންފީޒުކުރުމަށް ކުރާނެ މަސައްކަތްތައް ހިމަނާފައިވާ ކަމަށް މިނިސްޓްރީން ވިދާޅުވިއެވެ. އަދި ފާއިތުވި އަހަރު މިނިސްޓްރީން ކުރި މަސައްކަތްތަކުގެ ސަބަބުން ކައުންސިލްތަކާއެކު ރަނގަޅު ގުޅުމެއް ގާއިމްކުރެވިފައިވާ ކަމަށް ވެސް ފާހަގަކޮށްފައިވެއެވެ.
