ޓްރީ ޓޮޕް ހޮސްޕިޓަލުގެ ފަރާތުން މިއަދު ނެރުނު ނޫސް ބަޔާނެއްގައި ބުނެފައިވަނީ މި ހެލްތު ކޭމްޕް ބާއްވަނީ ތ. އަތޮޅު ހޮސްޕިޓަލާއި އެ އަތޮޅު ކައުންސިލާ ގުޅިގެން ކަމަށެވެ. މި ކޭމްޕުގައި ބައިވެރިވާނީ ޓްރީ ޓޮޕް ހޮސްޕިޓަލުގެ ތަޖުރިބާކާރު ޑޮކްޓަރުންގެ ޓީމެކެވެ.
މި ކޭމްޕުގައި ބަލިމީހުން ބަލާނެ ޑޮކްޓަރުންގެ ތެރޭގައި ހިމެނެނީ ކަށީގެ ބަލިތަކަށް ހާއްސަ ޑރ. އަލީ މުޒްނީ އާއި ޑރ. މުހައްމަދު ހަބީބު، ފުއްޕާމޭގެ ބަލިތަކަށް ހާއްސަ ޑރ. ތެހްޒީބް ފާރުގީ، ހަމުގެ ބަލިތަކަށް ހާއްސަ ޑރ. އަނޫ އަގްރަވާލް، ކަރުން މަތީގެ ބަލިތަކަށް ހާއްސަ ޑރ. ރާޖޭޝް ވާލަންދް، ކުޑަކަމުދާ ނިޒާމުގެ ބަލިތަކަށް ހާއްސަ ޑރ. މެހްމެޓް އޮޑާ އަދި ރާއްޖެ ބަލީގެ ހާއްސަ ޑރ. ޖިވާން ޕައުޑެލްއެވެ.
ޓްރީ ޓޮޕް ހޮސްޕިޓަލުން މަޢުލޫމާތު ދިން ގޮތުގައި މި ކޭމްޕުގައި ޑޮކްޓަރަށް ދެއްކުމުގެ އިތުރުން، އެކި ބާވަތުގެ ސްކްރީނިން އަދި ހޭލުންތެރިކަމުގެ ސެޝަންތައް ވެސް ކުރިއަށް ގެންދާނެއެވެ.
މިދިޔަ އަހަރު ވެސް ޓްރީ ޓޮޕުން ވަނީ މިފަދަ ހެލްތު ކޭމްޕްތައް ރާއްޖޭގެ އެކި ސަރަހައްދުތަކުގައި ބާއްވާފައެވެ. އެގޮތުން ގއ. ވިލިނގިލި، ގދ. ތިނަދޫ އަދި ލ. ގަމުގައި ބޭއްވި ކޭމްޕުތަކުގައި 1،000 އަށް ވުރެ ގިނަ މީހުން ޑޮކްޓަރަށް ދައްކާފައިވާ ކަމަށް ހޮސްޕިޓަލުން ބުނެފައިވެއެވެ.
ޓްރީ ޓޮޕް ހޮސްޕިޓަލަކީ ޒަމާނީ ސިއްހީ ހިދުމަތް ފޯރުކޮށްދެމުން އަންނަ، ގިނަ ބައެއްގެ އިތުބާރު ހޯދާފައިވާ ހޮސްޕިޓަލެކެވެ. އެ ހޮސްޕިޓަލުން އަބަދުވެސް މަސައްކަތް ކުރަމުން އަންނަނީ އެންމެ ފަހުގެ ވަސީލަތްތަކާއެކު އާ ޚިދުމަތްތައް ތަޢާރަފުކުރުމަށެވެ.
