އައިލެންޑް އޭވިއޭޝަނުން ބުނީ ތައިލޭންޑައި ކުއަލަލަންޕޫރަށް ދަތުރު ފަށަން މޯލްޑިވިއަންގެ ޖެނެރަލް ސޭލްސް އެޖެންޓް (ޖީއެސްއޭ) ވުމުގެ ފުރުސަތު ހުޅުވާލާފައިވާކަމަށެވެ. އަދި ސޭލްސް އެޖެންޓުންނަށް ވާން ބޭނުންވާ ފަރާތްތަކުން މިމަހުގެ 11 ވަނަދުވަހުގެ ކުރިން އެޕްލިކޭޝަން ހުށައެޅުމުގެ ފުރުސަތު އޮންނާނެކަމަށް އައިލެންޑް އޭވިއޭޝަނުން ބުނެއެވެ.
މޯލްޑިވިއަންގެ ފްލީޓަށް އިތުރުވި ވައިޑް-ބޮޑީ މަތިންދާ ބޯޓު ރާއްޖެ ގެނެސްފައިވަނީ މިދިޔަ މަހުގެ 6 ވަނަ ދުވަހުއެވެ. އާ ބޯޓުން ފުރަތަމަ ދަތުރުތައް ފަށާގައިވަނީ ޗައިނާއަށެވެ. މޯލްޑިވިއަންއިން ޗައިނާއަށް ދަތުރުތައް ފަށާފައިވަނީ މި މަހުގެ 21 ވަނަ ދުވަހު ޗެންޑޫއަށް ކުރި ދަތުރާ އެކުގައެވެ. އަދި އޭފެ ފަހުން ބެއިޖިންގެ އިތުން ޝެންހާއިއަށްވެސް ދަތުރުތައް އަންނަނީ އަޅަމުންނެވެ.
މޯލްޑިވިއަންގެ ވައިޑް-ބޮޑީ މަތިންދާބޯޓުގެ ފުރަތަމަ ދަތުރުގައި ރާއްޖެ އައި ފަތުރުވެރިންނަށް މަރުހަބާ ކިޔަނީ
ޗައިނާ ދަތުރުތަކަށް ފަހު ޔޫރަޕުގެ މަންޒިލުތަކަށް ވެސް މޯލްޑިވިއަންގެ ދަތުރުތައް ފުޅާކުރަން ވަނީ ރާވައިފައެވެ.
މޯލްޑިވިއަންގެ ހިދުމަތަށް ވައިޑް-ބޮޑީ މަތިންދާ ބޯޓު ގެނައުމަކީ ރައީސް ޑރ. މުހައްމަދު މުއިއްޒުގެ ރިޔާސީ ވައުދުފުޅެކެވެ. އަންނަ އޮކްޓޯބަރ މަހުގެ ތެރޭގައި އިތުރު ވައިޑް-ބޮޑީ މަތިންދާބޯޓެއް ރާއްޖެ ގެނެސް ޔޫރަޕަށް ދަތުރު ފެށުމަށް ގައުމީ އެއާލައިނުން ދަނީ ތައްޔާރުވަމުންނެވެ.
