ވިހެއުމަށްފަހު ރޭ މަރުވެފައިވަނީ ގއ. ވިލިނގިލި، ޒަމާނީވިލާގޭ ފާތިމަތު ޝިއުނާ ތައުފީގެވެ. ވިހޭތާ އިރުކޮޅެއް ފަހުން މަރުވެފައިވަނީ އޭނާގެ ތިންވަނަ ދަރިފުޅެވެ.
އެދެމައިން މަރުވުމާއި ގުޅިގެން އެކެމުގައި ހޮސްޕިޓަލްގެ އިހްމާލު އޮތްކަމަށް ބުނެ އެ ރަށު މީހުން އަންނަނީ ކަންބޮޑުވުން ފާޅުކުރަމުންނެވެ. އެގޮތުން އެ ދެމައިން މަރުވީ އެއާ އެމްބިއުލާންސްގައި ދެމައިންނަސް ބޭނުންވާ ވަރަށް އޮކްސިިޖަން ނެތިގެން ދެމައިން ގޮވައިގެން ނުފުރި ލަސްވުމުންކަމަށެވެ. އަދި ވިލިގިނލީ އަތޮޅު ހޮސްޕިޓަލުން ކަންކަމުގައި ފަރުވާކުޑަކަމަށްވެސް ރަށު މީހުން ވަނީ ބުނެފައެވެ.
ހެލްތް މިނިސްޓްރީން ބުނީ ރޭ ހިނގި މި ހާދިސާ އެ މިނިސްޓްރީގެ ސަމާލުކަމަށް އައިސްފައިވާކަމަށެވެ، އަދި އެ މައްސަލަ ބަލަން ފަށާފައިވާކަމަށް އެ މިނިސްޓްރީން ބުނެއެވެ. އެހެންނަމަވެސް އެކަމާއި ގުޅޭ ތަފްސީލެއް އެ މިނިސްޓްރީން ނުދެއެވެ.
