އެލިއާއިން ބުނީ މި އިންޖީނަކީ 50 ހޯސްޕަވަރުގެ އައުޓްބޯޑް އިންޖީނެއް ކަމަށެވެ. މި އިންޖީނަކީ ކުދި އިންޖީނުތަކުގެ ތެރެއިން ތެޔޮ ހަރަދު ކުޑަ، ބާރު ދުވެލީގައި ދަތުރު ކުރެވޭނެ އިންޖީނެއްކަމަށް އެ ކުންފުނިން ބުނެއެވެ.
މި ޕްރޮމޯޝަނުގައި ބައިވެރިވުމަށް، ސްޓޯލަށް ޒިޔާރަތްކުރާ ކޮންމެ މީހަކަށް ވެސް ކޫޕަނެއް ފުރުމުގެ ފުރުސަތު ދެއެވެ. މިހާތަނަށް ހާހަކަށްވުރެ ގިނަ މީހުން މި ޕްރޮމޯޝަނުގައި ބައިވެރިވެފައި ވެއެވެ.
މެރިން އެކްސްޕޯގެ ތެރެއިން: ޔަމަހާ
އެލިއާއިން އިތުރަށް ބުނީ އެ ކުންފުނިން އެ ސްޓޯލްގައި ހާއްސަ ޑިސްކައުންޓުތަކެއް ވެސް ދޭ ކަމަށެވެ. މިގޮތުން ފުލް ޕޭމަންޓް ކަސްޓަމަރުންނާއި އިންސްޓޯލްމަންޓަށް އިންޖީނު ނަގާ ކަސްޓަމަރުންނަށް އެޑްވާންސް ޕޭމަންޓު ދެއްކުމުން ހާއްސަ ޑިސްކައުންޓް ލިބޭނެއެވެ.
މިދިޔަ ބުރާސްފަތި ދުވަހު ފެށުނު މެރިން އެކްސްޕޯ ކުރިއަށް ދާނީ މިރޭގެ ނިޔަލަށް، ހަވީރު 4:00 އިން ރޭގަނޑު 10:00 އަށް ސެންޓްރަލް ޕާކުގައެވެ.
