އިސްދޫގައި ފެނުގެ ނިޒާމް ގާއިމްކުރުމުގެ މަޝްރޫއަކީ އިންޑިއާއިން ދީފައިވާ 800 މިލިއަން ޑޮލަރުގެ ކްރެޑިޓް ލައިންގެ އެހީގައި މިދިޔަ ސަރުކާރުން ފެށި މަޝްރޫއެކެވެ. 2023 ވަނަ އަހަރު ފެށި މި މަޝްރޫއުގެ މަސައްކަތް ނިންމާ ދިވަހި ސަރުކާރައި ހަވާލުކުރީ މިދިޔަ އަހަރު އިންޑިއާގެ އެކްސްޓާނަލް އެފެއާޒް މިނިސްޓަރު ޑރ. ސުބްރަމާނިއަމް ޖައިޝަންކަރު ރާއްޖެއަށް ކުރެއްވި ދަތުރުފުޅުގައެވެ.
ކޮންސްޓްރަކްޝަން މިނިސްޓްރީން ބުނީ އިސްދޫގައި ގާއިމުކުރި ފެނުގެ ނިޒާމުން 245 ގޭބީސީއަށް ފެން ގުޅާ ޑިފެކްޓްސް ލައަބިލިޓީ ޕީރިއަޑްގެ ދަށުން ހިދުމަތް ދެމުން އަންނަކަމަށެވެ.
މި މަޝްރޫއުގެ ދަށުން 55 ޓަނުގެ 2 އާރްއޯ ޕްލާންޓް ބަހައްޓާފައިވާކަމަށް މިނިސްޓްރީން ބުނެއެވެ. އަދި 60 ޓަނުގެ ވާރޭ ފެން ޕްލާންޓަކާއި 400 ޓަނުގެ ވާރޭ ފެން ރައްކާކުރާ ޓޭންކަކާއި 415 ޓަނުގެ ބޯފެން ރައްކާކުރެވޭ 2 ޓޭންކު ބަހައްޓާފައިވާކަމަށްވެސް ކޮންސްޓްރަކްޝަން މިނިސްޓްރީން ބުނެއެވެ. މީގެއިތުރުން 25 ކިލޯވޮޓުގެ ސޯލާ ޕެނަލެއްވެސް ހުންނާނެކަމަށްވެސް ކޮންސްޓްރަކްޝަން މިނިސްޓްރީން ބުނެއެވެ.
