މީ މަޖިލީހުގެ ރައީސްކަމާ ހަވާލުވެވަޑައިގެންނެވި ފަހުން އަބްދުއްރަހީމް އިންޑިއާއަށް ކުރައްވާ ފުރަތަމަ ރަސްމީ ދަތުރުފުޅެވެ.
މަޖިލީހުގެ ރައީސް އަބްދުއްރަހީމްގެ މި ދަތުރުފުޅަކީ އިންޑިއާގެ ގާނޫނު ހަދާ މަޖިލީހުގެ ތިރީގެ ލޮކްސަބާ ރައީސް ޝްރީ އޯމް ބިރްލާގެ ދައުވަތަކަށް ކުރައްވާ ދަތުރުފުޅެކެވެ. ހަތަރު ދުވަހުގެ މި ދަތުރުގައި އަބްދުއްރަހީމާއި އެކު މަޖިލީހުގެ ވަފުދެއް ބައިވެރިވެއެވެ.
މިއަދުގެ ރައްޔިތުން މަޖިލިސްގެ ޖަލްސާ ފެއްޓުވުމަށްފަގު ރިޔާސަތު ނައިބު ރައީސް އަހްމަދު ނާޒިމާއި ހަވާލުކުރައްވަމުން އަބްދުއްރަހީމް ވަނީ މިއަދު ފުރާވަޑައިގަންވާކަން މެމްބަރުންގެސަމާލުކަމަށް ގެންނަވާކަމަށެވެ.
މި ދަތުރަކީ އިންޑިއާއިން އަވަށްޓެރި ގައުމުތަކަށް އިސްކަން ދިނުމަށް ގެންގުޅޭ 'ނެއިބަހުޑް ފަސްޓް' ސިޔާސަތުގެ ދަށުން އެހެން ގައުމުތަކުގެ ގާނޫނު ހަދާ މަޖިލިސްތަކާ ގުޅުން ބަދަހިކުރުމުގެ ގޮތުން ކުރާ ދަތުރެއްކަމަށް އެ ގައުމުން ބުނެފައިވެއެވެ.
