"ރިޔާސީ ބަޔާން 2025 ފޯރަމް" ގައި ޝިޔާމް ވިދާޅުވީ، ރައީސް ޑރ. މުހައްމަދު މުއިއްޒު ރާއްޖޭގެ ވެރިކަމާ ހަވާލުވެވަޑައިގެންނެވިއިރު މަސްވެރި ސިނާއަތް އޮތީ ވަރަށް ހާލުގައި ކަމަށެވެ. އެކަމުގެ މައިގަނޑު ސަބަބަކީ އެއްވެސް ދިރާސާ ކުރުމެއް ނެތި ކުރީ ސަރުކާރުން ގެނައި ބޮޑެތި ބަދަލުތައް ކަމަށް މިނިސްޓަރު ވިދާޅުވި އެވެ.
ޝިޔާމް ވިދާޅުވީ ރިޔާސީ އިންތިހާބުގެ ފުރަތަމަ ބުރާއި ދެ ވަނަ ބުރާ ދޭތެރޭގައި 17 ރުފިޔާއަށް ހުރި މަސްކިލޯއެއްގެ އަގު 25 ރުފިޔާއަށް ބޮޑުކުރިކަމަށެވެ. އަދި އެކަމުގެ ސަބަބުން 13 ވަރަކަށް ރުފިޔާ ސަބްސިޑީގެ ގޮތުގައި ދައުލަތުން މަސް ކިލޯއަކަށް ދައްކަން ޖެހޭއިރު، އެއީ އަހަރެއްގެ މައްޗަށް ބިލިއަނަށް ވުރެ ގިނަ ރުފިޔާ ކަމަށް މިނިސްޓަރު ޝިޔާމް ފާހަގަކުރެއްވި އެވެ.
މަސްވެރި ސިނާއަތުގައި ހުރިހާ ފަރާތްތަކަށް ހަރަކާތްތެރިވެވޭނެ މާހައުލެއް ރައީސް ޑރ.މުހައްމަދު މުއިއްޒު އުފެއްދެވީ މަހުގެ އަގު ފްލޯޓްކުރައްވައިގެން ކަަމަށާއި އެހެން ހެދުމުން ހުރިހާ ހިސާބަކުން މަސް ގަނެ، ހުރިހާ ހިސާބަކުން މަސް ކިރުވޭ ކަމަށް ޝިޔާމް ވިދާޅުވި އެވެ. އަދި އެހެން ހެދުމުން މަސްވެރި ސިނާއަތުގެ އުމްރާނީ ކަންތައްތަކަށް ހޭދަކުރާނެ ފައިސާ އޭގެ ތެރެއިން ބާކީކުރެވޭ ކަމަށް ފާހަގަކޮށް ޝިޔާމް ވިދާޅުވީ އެއީ ރައީސް ޑރ. މުއިއްޒުގެ ހިކުމަތްތެރި ނިންމުމެއްކަމަށެވެ.
މަސްވެރި ސިނާއަތުގައި ޕްރައިވެޓް ސެކްޓާ ސަލާމަތްނުވާ ކަމުގައިވާ ނަމަ އެ ސިނާއަތަކަށް އިންވެސްޓްކުރާނެ ފަރާތެއް ނާންނާނެ ކަމަށާއި މިއަދު އެ ސިނާއަތަކަށް އިންވެސްޓް ކުރާނެ ބޭންކްތައްވެސް އެބަހުރިކަމަށް ޝިޔާމް ވިދާޅުވި އެވެ. އަދި ރައީސްގެ ތަސައްވަރަކީ މިއަދު 50 ޓަނު ޕްރޮސެސްކުރެވޭކަމުގައިވާނަމަ އެ މަނިކުފާނުގެ ޒައާމަތު ނިމޭއިރު 250-300 ޓަނާ ދޭތެރޭއަށް އެ ޕްރޮސެސިން ކެޕޭސިޓީ އިތުރުކުރުން ކަމުގައި ޝިޔާމް ފާޙަގކުރެއްވި އެވެ. އަދި މިހާރު ކަންކަން ތަރުތީބުވެފައި ހުރި ގޮތްގޮތައް ބަލާނަމަ އެ މަނިކުފާނުގެ ޒައާމަތުގެ ފުރަތަމަ ތިން އަހަރު އެކަން ހާސިލްވަމުން ދާކަމަށް ޝިޔާމް ވިދާޅުވި އެވެ.
މިނިސްޓަރު ޝިޔާމް ވަނީ ކިރުވާ މަހަށް 48 ގަޑިއިރު ތެރޭގައި ފައިސާ ދޭން ފެށުމުން މަހަށް ނުކުންނަ ޒުވާނުންނާއި ދޯނިތައް އިތުރުވަމުން އަންނަ ކަމަށެވެ. އަދި މަސްވެރިން އައިސް ހޯދުމަށް އެ ދުއްވާ ދުއްވުމަކީ ބޮޑު ހޭދައެއް ކުރަން ޖެހޭ ކަމެއް ކަަމަށާއި އެކަމުގެ ހައްލަކާ ހަމައަށް އާދެވިފައިވާކަން ޝިޔާމް ފާހަގކުރެއްވިއެވެ. އެގޮތުން ސަރުކާރުން އިސް ނަގައިގެން މަސް ދޯނިފަހަރުގައި ލޮނު ފެނުން މަސް ފިނިކުރާ ނިޒާމު ގާއިމްކުރުމަށް އެހީތެރިކަން ފޯރުކޮށްދިނުމާއި ރަށްރަށުގައި އައިސް ޕްލާންޓްތައް އިތުރުކުރުމުގެ މަސައްކަތް މިހާރު ކުރަމުންދާކަމަށް ޝިޔާމް ފާހަގަކުރެއްވި އެވެ.
މިނިސްޓަރު އިތުރަށް ވިދާޅުވީ ތުރަށް ވިދާޅުވީ، މަސްވެރި ކޮލެޖު ގާއިމްކުރުމަކީ މަސްވެރި ގާނޫނުން ލާޒިމުކުރާ ކަމެއް ކަމަށާއި ނަމަވެސް އެކަންވެސް ކުރީ ސަރުކާރުތަކުން އޮތީ ނުކޮށް ކަމަށެވެ. ނަމަވެސް މި ސަރުކާރުން މަސްވެރި ކޮލެޖު ގާއިމްކޮށް މަސްވެރިކަމާ ގުޅުން ހުރި ދާއިރާތަކުން މާސްޓާސްއާ ހަމައަށް ކިޔެވުމުގެ ފުރުސަތު މިހާރު ފަހިވެފައިވާ ކަމަށް ފާހަގަކުރެއްވި އެވެ.
މަސްވެރިކަމަށް ކުރިއަށް އޮތީ ބަހާރު މޫސުން ކަަމަށާއި އެކަން އަމަލުން ރައީސް މުއިއްޒު ގެންދަވަނީ ދައްކަވަމުން ކަމަށްވެސް މިނިސްޓަރު ޝިޔާމް ވިދާޅުވި އެވެ.
