ޓްރާންސްޕޭރެންސީ މޯލްޑިވްސް އިން މިއަދު ނެރުނު ބަޔާނުގައި ބުނީ، މިދިޔަ އަހަރުގެ ކޮރަޕްޝަން ޕާސެޕްޝަން އިންޑެކްސްގައި ރާއްޖެ އެއް ޕޮއިންޓު ދަށަށް ވެއްޓިފައިވާ ކަމަށެވެ. 2023 ގައި 39 ޕޮއިންޓްގައި ރާއްޖެ އޮތުމަށްފަހު 38 ޕޮއިންޓަށް ވެއްޓިފައެވެ.
މިދިޔަ އަހަރުގެ ސީޕީއައިގައި ރާއްޖޭގެ ސްކޯ 38 އަކަށް ވެއްޓުމުން އެރުމުން ރާއްޖެ މިހާރު އޮތީ އިންޑެކްސްގައި ހިމެނޭ 180 ގައުމުގެ ތެރެއިން 96ވަނައަށް ކަމަށް ޓްރާންސްޕޭރެންސީ މޯލްޑިވްސްއިން ނެރުނު ބަޔާނުގައިވެއެވެ. 2023 ވަނަ އަހަރު ރާއްޖެ އޮތީ 93 ވަނައިގައެވެ.
މި އަހަރުވެސް ރާއްޖެ ހިމެނެނީ 50 ޕޮއިންޓަށްވުރެ ދަށުން ޕޮއިންޓު ލިބިފައިވާ ގައުމުތަކުގެ ތެރޭގައިކަމަށްވެސް ޓްރާންސްޕޭރަންސީން ބުނެއެވެ.
ޓްރާންސްޕޭރަންސީން ބުނީ ރާއްޖޭގެ ސްކޯއާއި ރޭންކުން ހާމަވަނީ ކޮރަޕްޝަނާ ދެކޮޅަށް ކުރާ މަސައްކަތުގައި މާ ބޮޑު ކުރިއެރުމެއް ނުވަތަ އެއްވެސް ކުރިއެރުމެއް ލިބިފައިނުވާކަން ކަމަށެވެ. ޓްރާންސްޕޭރަންސީން ބުނީ ސިޔާސީ އިސް ބޭފުޅުންނާއި ސަރުކާރުތަކުގެ އިސްވެރިންނާ ގުޅޭ ކޮރަޕްޝަން މައްސަލަތައް ބެލުން ހަރުދަނާކުރަން ޖެހޭ ކަމަށެވެ.
ދައުލަތް ހިންގުމުގައި ކޮރަޕްޝަން އޮތް މިންވަރު އެކަކުން 100 އަށް ގިންތިކުރާ ކޮރަޕްޝަން ޕާސެޕްޝަން އިންޑެކްސް (ސީފީއައި) ދައްކުވައިދެނީ ސުމެއް އެއީ ކޮރަޕްޝަންގެ އަމަލުތައް އެންމެ ގިނަ ގައުމުތަކެވެ. ލިބޭނީ 100 ކޮރަޕްޝަންގެ އަމަލުތައް އެންމެ މަދު ތަންތަނަށެވެ.
