
މަޓާޓޯއިން މީރާގެ ކޮމިޝަނާ ޖެނެރަލް ހަސަން ޒަރީރަށް ފޮނުވި ސިޓީގައި ބުނެފައިވަނީ މަޓީން އާންމުކުރި ހިސާބުތަކުގެ މަސްދަރާއި މެތޮޑޮލޮޖީ ސާފުކޮށްދިނުމަށެވެ. އަދި މި ހިސާބުތަކާ ގުޅޭ އެއްވެސް މައުލޫމާތެއް މިހާތަނަށް އެމްއެމްއޭ އަދި މީރާގެ ޕަބްލިކް ޕްލެޓްފޯމްތަކުގައި އާންމުކޮށްފައި ނުވާ ކަމަށް ފާހަގަކޮށްފައިވެ އެވެ.
މަޓީން އިއްޔެ ނެރުނު ބަޔާނުގައި ބުނެފައިވަނީ މިދިޔަ އަހަރު ރާއްޖެއަށް ލިބުނު އާމްދަނީގެ 86 ޕަސަންޓު ހިއްސާކުރަނީ ރިސޯޓުތަކުން ކަމަށެވެ. އެގޮތުން ރިސޯޓުތަކުން 4.5 ބިލިއަން ޑޮލަރު ލިބުނު ކަމަށް ބުނެފައިވެ އެވެ.
މަޓާޓޯގެ އޮފިޝަލަކު ބުނީ، އެންމެ ގެސްޓްހައުސްއެއް ހިންގާ ކުންފުންޏެއް ކަމަށްވާ ކާނިއަށް ބެލި ނަމަވެސް މަޓީގެ ނޫސްބަޔާނުގައި ބުނެފައިވާ އަދަދަށް އާމްދަނީ ލިބިފައިވާ ކަމަށެވެ. އަދި އެއް ޓްރެވަލް އެޖެންޓެއް ކަމަށްވާ ރިސޯޓް ލައިފަށް ބެލި ނަމަވެސް މި އަދަދުގެ ބޮޑުބައި ކަވަރުކުރާ ކަމަށް ބުނެފައިވެ އެވެ.