
ޕީސީބީން މިއަދު ނެރުނު ސާކިއުލާއެއްގައި ބުނީ، ވަޒީފާ އަދާކުރާ ކޮންމެ މުސްލިމު މުވައްޒަފަކަށް ރޯދަމަހުގެ އިނާޔަތުގެ ގޮތުގައި ދޭން ޖެހޭ 3،000 ރުފިޔާނއިތުރުން ރޯދަ މަހާ ގުޅުވައިގެން އިތުރު ހަދިޔާތައް ނުދިނުމަށް ކުންފުނިތަކަށް އަންގައިފައެވެ.
މުސާރަ ލިބޭގޮތަށް އެއް ވަޒީފާއަށް ވުރެ ގިނަ ވަޒީފާ އަދާކުރާނަމަ މުވައްޒަފުންނަށް އިނާޔަތުގެ ފައިސާދޭއިރު، ހަމައެކަނި އެ މުވައްޒަފުގެ އަސާސީ ވަޒީފާ އޮންނަ އޮފީހަކުން އިނާޔަތުގެ ފައިސާ ދިނުމަށާއި، އިތުރު ވަޒީފާ އަދާކުރާ އޮފީހަކުން އިނާޔަތުގެ ފައިސާ ނުދިނުމަށްވެސް ޕީސީބީން ވަނީ އަންގާފައެވެ.
މީގެއިތިރުން ރޯދަމަސް ފެށޭއިރު ޕޭ ލީވް (ސްކޮލާޝިޕް) އަދި ނޯޕޭ ލީވްގައި ތިބޭ މުވައްޒަފުންނަށް ރޯދަ އިނާޔަތް ނުދިނުމަށްވެސް ޕީސީބީން ވަނީ އަންގާފައެވެ. އަދި އެއިން މުވައްޒަފަކަށް އިނާޔަތް ދޭނީ އެފަދަ ލީވްއެއްގައި ހުރި މުވައްޒަފަކު ރޯދަ މަހުގެ ތެރޭގައި އަލުން ވަޒީފާއަށް ނުކުމެއްޖެނަމަ، އެ ދުވަހަކުން ފެށިގެން ރޯދަމަހުގެ ނިޔަލަށް ޖެހޭވަރުކަމަށްވެސް ޕީސީބީން ކުންފުނިތަކަށް ފޮނުވި ސާކުއިލާގައިވެއެވެ.
ރޯދަމަހުގެ އިނާޔަތް ނޫނީ އެހެން ހަދިޔާއެއް ނުދިނުމަށް ޕީސީބީން އަންގާފައިވާއިރު ބައެއް ކުންފުނިތަކުން މޫގެކުރުން މުވައްޒަފުންނަށް ރޯދަ ހަދިޔާގެ ގޮތުަގއި މަސްދަޅުކޭހާއި އެނޫންވެސް ބައެއް ހަދިޔާތައް ދީފައިވެއެވެ.
މިމަހުގެ ރޯދަމަހުގެ އިނާޔަތް މިމަހުގެ 20 ވަނދުވަހު ކުރިން މުވައްޒަފުންނަށް ދިނުމަށް ފިނޭންސް މިނިސްޓްރީން ވަނީ އަންގާފައެވެ.
ސަރުކާރުން ވަނީ މި ފަހަރު ރޯދައ ހަދިޔާގެ ގޮތުގައި ކޮންމެ ގޭބިސީއަކަށް މަސްދަޅު ކޭހެއް ދިނުމަށް ނިންމާފައެވެ.