ރައީސް ނަޝީދު އަދި މެޒޯ މުހައްމަދު
މެޒޯ މުހައްމަދަކީ އެންމެ ގާތް ރަހުމައިތެރިންގެ ތެރެއިން އެކަކު: ނަޝީދު
ގުފްތަގް އަޖީރު
13 ފެބްރުއަރީ 2025 - 14:13:08
މެޒޯ މުހައްމަދަކީ އެންމެ ގާތް ރަހުމައިތެރިންގެ ތެރެއިން އެކަކުކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.
Advertisement
މެޒޯ މޯޑްގެ ނަމުން މަޝްހޫރު މުހައްމަދު މާޖިދު ނިޔާވީ އިއްޔެ މެންދުރުފަހުގެ ވަގުތެއްގައި ހާޓް އެޓޭކެއް ޖެހިގެންނެވެ.
އެކްސް ގައި ކުރެއްވި ޓްވީޓެއްގައި ރައީސް ނަޝީދު ވިދާޅުވީ "މެޒޯ މުހައްމަދަކީ ރާއްޖޭގެ އާންމު މަސައްކަތްތަކުގެ ބޮޑު ބައިވެރިއެއް ކަމަށާއި ރާއްޖެ ޑިމޮކްރަސީއަށް ކުރި ދަތުރުގެ ހިއްސާދާރެއް،" ކަމަށެވެ. އަދި މަރުހޫމަށް ސުވަރުގޭގެ މަތިވެރި ނިއުމަތް ދެއްވުން އެދި ދުއާ ކުރައްވައި، އާއިލާއަށް ކެތްތެރިކަން ދެއްވުން އެދިވެސް ދުއާ ކުރެއްވިއެވެ.
އުމުރުން 59 އަހަރުގެ މެޒޯ މޯޑްގެ ކަށުނަމާދު އޮންނާނީ މިއަދުގެ އަސުރު ނަމާދަށްފަހު އިސްލާމީ މަރުކަޒުގައެވެ. މައްޔިތާއަށް ޒިޔާރަތްކުރުމާއި މޫނު ދެއްކުން އޮންނާނީ މެންދުރު 13:00 އިން ފެށިގެންނެވެ.
މެޒޯ މޯޑަކީ މިއުޒިކީ ދާއިރާގައި 48 އަހަރު ހޭދަކުރި ފަންނާނެކެވެ. ނުވަދިހައިގެ އަހަރުތަކުގައި "މެޒޯ" ބޭންޑާއެކު އެތައް މަގުބޫލު ލަވައެއް ނެރުއްވި މެޒޯ މޯޑަށް ވަނީ 2010 ވަނަ އަހަރު މިއުޒިކީ ދާއިރާއިން ގައުމީ އިނާމު ލިބިލައްވާފައެވެ.
"ވިސްނާ ވިސްނާ"، "ކަމަނަ ގޯތީ އާދަނުތާ"، "އަކިރި ދެމޭ" ފަދަ އެތައް ލަވައެއް މިއަދާ ހަމައަށްވެސް ދިވެހިންގެ މެދުގައި މަގުބޫލެވެ.
0%
ކަމުގޮސްފި
0%
އަޑުއެހިތާ މިހުރީ
100%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
