މި ވޯޓުލުން ހުޅުވާލާފައިވަނީ އުރީދޫ ކަސްޓަމަރުންނަށް އެކަންޏެވެ.
ވޯޓުލެވޭ ކުޅުންތެރިންގެ ތެރޭގައި ޕަބްޖީ މޮބައިލް، އީއޭއެފްސީ އަދި އެމްއެލްބީބީ ކުޅުންތެރިން ހިމެނެއެވެ. މީގެ ތެރޭގައި ހައިޝަމް ވަހީދު، އަހުމަދު އަޒީން ނަޒީމް، ޒަމީލް ޒިހުނީ، ރާއިދު ހަސަން، އަހުމަދު މާހިލް އަދި ހަސަން ޝަމްހާން ހިމެނެއެވެ.
މި މުބާރާތުގައި ވާދަކުރާ ކުޅުންތެރިންގެ ތެރެއިން ގިނަ ބަޔަކީ ރާއްޖޭގެ ނެޝަނަލް ޓީމުގައި ކުޅެފައިވާ އަދި ބައިނަލްއަގުވާމީ މުބާރާތްތަކުގައި ރާއްޖެ ތަމްސީލުކޮށްފައިވާ ކުޅުންތެރިންނެވެ. އެގޮތުން ޒަމީލް ވަނީ ބެންކޮކް އޭޝިއަން ގޭމްސްގައި ކުޅެފައެވެ.
އެންމެ މޮޅު ކުޅުންތެރިޔާ ހޮވުމަށް ވޯޓުލެވޭނީ އެސްއެމްއެސް މެދުވެރިކޮށެވެ. ވޯޓުލާން ބޭނުންވާ ކުޅުންތެރިޔާގެ ނަންބަރު 9144495 އަށް ފޮނުވުމުން ވޯޓު ލެވޭނެއެވެ. ކޮންމެ މެސެޖަކަށްވެސް 20 ލާރި ޗާޖުކުރެވޭނެއެވެ.
މި މުބާރާތުގެ އެންމެ މޮޅު ކުޅުންތެރިޔާއަށް 30،000 ރުފިޔާގެ އިނާމެއް ދެވޭނެއެވެ. އިނާމު ދިނުމުގެ ރަސްމިއްޔާތު ބޭއްވޭނީ އުރީދޫ ނޭޝަން އަލްޓިމޭޓް ގޭމިން ފެސްޓިވަލްގެ ނިންމުމުގެ ރަސްމިއްޔާތުގައެވެ.
