މި މަސައްކަތަށް ބިޑް ހުށަހެޅުމުގެ ފުރުސަތު ހުޅުވާލާފައި ވަނީ ދިވެހި ކުންފުނިތަކާއި، ޕާޓްނާޝިޕްތަކާއި، ލޯކަލް އިންވެސްޓްމަންޓްތަކަށެވެ.
ސިޓީ ކައުންސިލުން މި މަސައްކަތަށް އިއުލާންކުރީ ރައީސް ޑރ. މުހައްމަދު މުއިއްޒު ސަލްޓަން ޕާކުގެ ހާލަތާ މެދު ކަންބޮޑުވުން ފާޅުކުރެއްވުމަށް ފަހުގައެވެ. ރައީސް ވިދާޅުވީ ސަލްޓަން ޕާކަކީ މާލޭގެ ރައްޔިތުންނަށް ހިތްހަމަޖެހުމާއި އުފާ ލިބޭ ތަނެއް ކަމަށާއި، އެތަނުގެ ރީތިކަން އަނބުރާ ހޯދައިދިނުމަށް ސަރުކާރުން މަސައްކަތްކުރާނެ ކަމަށެވެ.
މި މަސައްކަތާ ގުޅޭ މައުލޫމާތު ސާފުކުރުމުގެ ބައްދަލުވުން މި މަހުގެ 18 ގައި ބޭއްވުމަށް ވަނީ ހަމަޖެހިފައެވެ. އަދި ބިޑް ހުށަހެޅުމުގެ ސުންގަޑިއަކީ މި މަހުގެ 24 ކަމަށް ސިޓީ ކައުންސިލުން ބުންޏެވެ.
ސަލްޓަން ޕާކަކީ ރައީސް މުއިއްޒު ހައުސިން މިނިސްޓަރުކަމުގައި ހުންނެވިއިރު ހައްދަވާފައިވާ ތަނެކެވެ. އެހެންނަމަވެސް ގިނަ ދުވަސްތަކެއް ވަންދެން މަރާމާތު ނުކުރުމުގެ ސަބަބުން މިހާރު އެތަން ވަނީ ވަރަށް ބޮޑަށް ހަލާކުވެފައެވެ.
