ހަސަން ލަތީފް
ރައްޔިތުންނާއި ސަރުކާރާ ދެމެދު ގުޅުން ކަނޑާލަން މަސައްކަތްކުރޭ: ހަސަން ލަތީފް
ގުފްތަގް އަޖީރު
15 ފެބްރުއަރީ 2025 - 15:40:51
ސަރުކާރާއި ރައްޔިތުންނާ ދެމެދު އޮންނަ ގުޅުން ކަނޑާލުމަށް ސަރުކާރުން މަސައްކަތްކުރަމުންދާ ކަމަށް އެމްޑީޕީގެ ކުރީގެ ޗެއާޕާސަން، ހަސަން ލަތީފް ތުހުމަތުކުރައްވައިފިއެވެ.
Advertisement
ބުރާސްފަތި ދުވަހުގެ ރޭ އެމްޑީޕީ ހަރުގޭގައި ބޭއްވި ޖަލްސާގައި ވާހަކަދައްކަމުން ހަސަން ލަތީފް ވުދާޅުވީ، ސަރުކާރުން ރައްޔިތުންނަށް މުހިއްމު މައުލޫމާތުތައް ހާމަނުކޮށް ސިއްރުކުރަމުންދާ ކަމަށެވެ. މިގޮތުން، މިދިޔަ އަހަރު މަޖިލީހުން ފާސްކުރި 55 ބިލިއަން ރުފިޔާގެ ބަޖެޓު ހަރަދުކުރެވުނު ގޮތުގެ ތަފުސީލު ވެސް ސަރުކާރަށް ބުނެނުދެވޭ ކަމަށް އޭނާ ވިދާޅުވިއެވެ.
"ސަރުކާރަކާ ރައްޔިތުންނާ އޮތް ގުޅުން ނެތުނީމާ އެ ސަރުކާރު އޮތުމުގެ ބޭނުމެއް ނެތް," ހަސަން ލަތީފް ވިދާޅުވިއެވެ. އަދި މި ސަރުކާރު ހަމަ މަގަށް އެޅުވުމަށް އެމްޑީޕީން މަސައްކަތްކުރާނެ ކަމަށް ވެސް އޭނާ ވިދާޅުވިއެވެ.
ހަސަން ލަތީފް އިތުރަށް ވުދާޅުވީ ސަރުކާރުގައި މަސައްކަތްކުރާ ސިޔާސީ މުވައްޒަފުންގެ އަދަދަކީ ވެސް މިހާރު ސިއްރެއްގެ ގޮތުގައި ބަހައްޓާފައިވާ މައުލޫމާތެއް ކަމަށެވެ. މިފަދަ މުހިއްމު މައުލޫމާތުތައް ރައްޔިތުންނަށް ނުލިބުމަކީ ސަރުކާރާ ރައްޔިތުންނާ ދެމެދު އޮންނަ ގުޅުން ކެނޑިގެން ދިޔުން ކަމަށް އޭނާ ބުންޏެވެ.
0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
