އެ ސްކޫލުގެ ޕްރިންސިޕަލް އައިޝަތު މުހައްމަދު ދީދީ ރިޓަޔާ ކުރެއްވުމުން މަޖީދިއްޔާ އަށް ޕްރިންސިޕަލެއް ހޯދަން އިއުލާންކުރީ މިދިޔަ މަހުގެ ތެރޭގަ އެވެ.
ތައުލީމީ ދާއިރާގައި މަސައްކަތް ކުރައްވާތާ 16 އަހަރަށް ވުރެ ގިނަ ދުވަސް ވެފައިވާ މުޖާހިދު އެ މަގާމަށް ހަމަޖެއްސީ އެ މަގާމަށް ކުރިމަތިލި މީހުންގެ ތެރެއިން ހޮވިގެންނެވެ. އޭނާ މިއަދު ވަނީ ސްކޫލަށް ނުކުންނަވަން ފައްޓަވައިފަ އެވެ.
މެލޭޝިޔާގެ އޯޕަން ޔުނިވާސިޓީއިން މާސްޓާޒް އޮފް އެޑިއުކޭޝަން ހާސިލުކުރައްވައިފައިވާ މުޖާހިދަކީ ތައުލީމީ ދާއިރާގައި ވަރަށް ގިނަ ދުވަހު ހިދުމަތް ކުރައްވާފައިވާ ބޭފުޅެކެވެ. އޭނާ ވަނީ އިމާދުއްދީން ސްކޫލްގެ ޕްރިންސިޕަލް ކަން ވެސް ކުރައްވާފަ އެވެ.
އަދި، އިސްކަންދަރު ސްކޫލްގެ ޑެޕިއުޓީ ޕްރިންސިޕަލްގެ މަގާމާއި، އިސްކަންދަރު ސްކޫލްގެ ލީޑިން ޓީޗަރުގެ މަގާމާއި، ގައުމީ ޔުނިވަސިޓީގެ ޕާޓް ޓައިމް ލެކްޗަރާގެ މަގާމު އޭނާ ފުރުއްވާފައިވެ އެވެ.
