ads
ރަތަފަންދޫ ގޮނޑުދޮށް ހިމާޔަތްކުރުމުގެ މަޝްރޫޢުގެ 80 ޕަސަންޓު ނިމިއްޖެ
ރަތަފަންދޫ ގޮނޑުދޮށް ހިމާޔަތްކުރުމުގެ މަޝްރޫއުގެ 80 ޕަސަންޓު ނިމިއްޖެ
ގދ. ރަތަފަންދޫ ގޮނޑުދޮށް ހިމާޔަތްކުރުމުގެ މަޝްރޫއުގެ މަސައްކަތް އަވަސް ދުވެއްޔެއްގައި ކުރިއަށްދާއިރު، މިހާރު މަޝްރޫއުގެ 80 ޕަސަންޓަށްވުރެ ގިނަ މަސައްކަތް ވަނީ ނިމިފައިކަމަށް އެމްޓީސީސީން ބުނެފިއެވެ.
Advertisement

އެމްޓީސީސީން ދިން މައުލޫމާތުގައި، މި މަޝްރޫއުގެ ދަށުން ކުރަމުންދާ ބޭރު ތޮށި ޖެހުމުގެ މަސައްކަތް މިހާރު ވަނީ އެއްކޮށް ނިމިފައެވެ. 

މީގެ އިތުރުން ރެވެޓްމަންޓް ޕްރޮފައިލްކުރުމުގެ މަސައްކަތުގެ 81 ޕަސަންޓު އަދި ގޮނޑުދޮށަށް ވެލި އެޅުމުގެ މަސައްކަތުގެ 87 ޕަސަންޓު ވަނީ ނިންމާފައެވެ.

މިގޮތުން 2022 ވަނަ އަހަރުގެ ސެޕްޓެމްބަރު މަހު ފެށި މި މަޝްރޫއުގެ ދަށުން 461 މީޓަރުގެ ސަރަހައްދެއްގައި ރިވެޓްމެންޓް ޖެހުމާއި، 240 މީޓަރުގެ ސަރަހައްދެއްގައި ބޭރުތޮށި ލުމާއި 6600 އަކަމީޓަރުގެ ވެލި ގޮނޑުދޮށަށް އެޅުމުގެ މަސައްކަތް ހިމެނެއެވެ.

ޖުމްލަ 1300 އަށްވުރެ ގިނަ މީހުން ދިރިއުޅޭ ރަތަފަންދޫގައި އެތައް އަހަރެއް ވަންދެން ދިމާވަމުން އައި ރަށްގިރުމުގެ މައްސަލައަށް މި މަޝްރޫއުގެ ސަބަބުން އެދެވޭ ހައްލެއް ލިބިގެންދާނެކަމަށް ސަރުކާރުން ބުނެއެވެ. ހުޅަނގު މޫސުމުގައި އުދަ އެރުމުގެ ސަބަބުން ގޮނޑުދޮށް ގިރައި، ދަނޑުބިންތަކަށާއި މީހުން ދިރިއުޅޭ ގޯތިތަކަށް ލިބެމުންދިޔަ ގެއްލުންތައް މި މަޝްރޫއު ނިމުމުން ހުއްޓިގެންދާނެއެވެ.

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް