
އެ މިނިސްޓްރީން ނެރުނު ސާކިއުލާއެއްގައި ބުނީ އައިޑީކާޑުގައި ދިވެހިން ހުޅުމާލެ ލިޔާއިރު "ހމ" އަދި އިނގިރޭސިން ލިޔާއިރު "HM" ޖަހަން ނިންމީ މާލޭ ސިޓީ ކައުންސިލުން ކަމަށެވެ. އަދި އެކައުންސިލުން އެގޮތަށް ނިންމާ މިނިސްޓްރީއަށް އެކަން މިމަހުގެ ދަވަނަ ދުވަހު އަންގާފައިވާކަމަށް އެ ސާކުއިއުލާގައިވެއެވެ.
މިނިސްޓްރީން ވަނީ ކައުންސިލްގެ ނިންމުމާއި އެއްގޮތަށް މިއަދުން ފެށިގެން ދޫކުރާ ހުރިހާ އައިޑީކާޑެއްގައި ހުޅުމާލެ ލިޔާއިރު "ހމ" ޖަހަން ކަމާއި ގުޅޭ އިދާރާއަށް އަންގާފައެވެ. އަދި މިގޮތަށް ބަދަލު ގެންނާނީ އަލަށް ހައްދާ ކާޑުތައް ކަމަށާއި ކުރިން ހައްދާފައިވާ ކާޑުތަކުގެ މުއްދަތު ހަމަވަންދެން ކުރީގެ ގޮތަށް ބެހެއްޓުމަށް މިނިސްޓްރީން ވަނީ އަންގާފައެވެ.
ހުޅުމާލެ ބަލަނީ ވެރިރަށް މާލޭގެ އެއް އަވަށުގެ ގޮތުގައެވެ. ހުޅުމާލެ ފިޔަވާ މާލެ ދެން ހުރި ހިރިހާ އަވަށެއްގެ ނަން ކާޑުގައި ޖަހާއިރު މިހާރުވެސް އޮންނަނީ ފެށޭ އަކުރެވެ. އެގޮތުން ހެންވޭރު ލިޔާއިރު (ހ) މާފަންނު ލިޔާއިރު (މ) ގަލޮޅު ލިޔާއިރު (ގ) މައްޗަންގޮޅި ލިޔާއިރު (މއ) އަދި ވިލިމާލެ ލިޔާއިރު ޖަހަނީ (ވ)އެވެ.