ކޮންސްޓްރަކްޝަން މިނިސްޓްރީން މައުލޫމާތު ދިން ގޮތުގައި މި މަޝްރޫއުގެ ދަށުން 625 ޓަނުގެ ބޯފެން ރައްކާކުރާ ދެ ޓޭންކުވެސް ވަނީ ބަހައްޓާފައެވެ. މި މަޝްރޫއުއަކީ އިންޑިއާގެ އެގްޒިމް ބޭންކުގެ މާލީ އެހީގެ ދަށުން ޓްރެވެނީ އިންޖިނިއަރިން އެންޑް އިންޑަސްޓްރީސް ލިމިޓެޑާ ހަވާލުކޮށްގެން 2023 ވަނަ އަހަރު ފެށި މަޝްރޫއެކެވެ.
މަޝްރޫއުގެ ދަށުން 10 ކިލޯމީޓަރުގެ ނަރުދަމާ ނެޓްވަރކާއި 13 ކިލޯމީޓަރުގެ ފެނުގެ ނެޓްވަރކް ވަނީ ގާއިމުކޮށްފައެވެ. އަދި ތިން ޕަންޕިން ސްޓޭޝަނުގެ އިތުރުން 25 ކިލޯމީޓަރުގެ ސޯލާ ޕެނަލްވެސް ވަނީ ބަހައްޓާފައެވެ.
މި މަޝްރޫއުގެ މަސައްކަތްތައް މިހާރު ވަނީ ނިމިފައެވެ. އަދި މިހާރު ކުރިއަށްދަނީ މި ނިޒާމުގެ ހިދުމަތް ރައްޔިތުންނަށް ފޯރުކޮށްދިނުމަށްޓަކައި ފެނަކަ ކޯޕަރޭޝަނާ ހަވާލުކުރުމުގެ މަސައްކަތްތަކެވެ. މި މަޝްރޫއު ނިމުމުން ފަރެސްމާތޮޑާގެ ރައްޔިތުންނަށް ރައްކާތެރި ބޯފެނާއި ނަރުދަމާގެ ހިދުމަތް ލިބިގެންދާނެއެވެ.
