
ހދ. ކުޅުދުއްފުށީގައި ފުލުހުންގެ އޮޕަރޭޝަނެއް ހިންގާކަން އެ އިދާރާއިން ވަނީ ކަށަވަރުކޮށްދީފައެވެ. އަދި އެރަށުގެ 10 ގެއެއް ބަލާ ފާސްކޮށްފައިވާކަމަށް ފުލުހުން ބުނެއެވެ. އެހެންނަމަވެސް އެ އޮޕަރޭޝަނާއި ގުޅޭ މައުލޫމާތެއް ފުލުހުން އަދި ތަފްސީލުކޮށް ނުދެއެވެ.
ކުޅުދުއްފުށީގައި ސިހުރު ކަންތައް ބޮޑު ރައްކާތެރިކަމިގެ ފިޔަވަޅު އެޅުމުގެ ގޮތުން ބައެއް ގެތަކުގައި ވަށައިގެން ފެންނަހެން ސީސީޓީވީ ކެމެރާ ހަރުކޮށްފައިވާކަމަށް އެރަށުގެ ބައެއް މީހުން ބުނެއެވެ. އަދި މިހާރު ފުލުހުން އޮޕަރޭޝަނެއް ހިންގަނީ އެރަށުން ސިހުރުގެ ތުހުމަތުކުރެވޭ ގިނަ މައްސަލަތަކެއް ހުށައެޅުމުން ކަމަށްވެސް އެ ރަށު ބައެއް މީހުން ބުނެއެވެ.
ދާދީ ފަހުން ރާއްޖޭގެ އެހެން ބައެއް ރަށްތަކުގެވެސް ސިހުރުގެ ކަންކަން ބޮޑުވެ ފުލުހުން އަރާ ވަނީ އޮޮޕަރޭޝަންތަކެއް ހިންގާ ބައެއް ރަށްރަށުން ވަނީ މީހުންވެސް ހައްޔަރުކޮށްފައެވެ.
އެގޮތުން ދާދި ފަހުން ތ. ވިލުފުއްޓާއި ރ. އަލިފުއްޓާއި ރ. މީދޫގެ އިތުރުން ހއ. ކެލާއަށްވެސް ފުލުހުން ވަނީ އަރާފައެވެ. އަދި ބައެއް ގެތައް ބަލާ ފާސްކޮށް ފޮތްތަކެއް ވަނީ ގެންގޮސްފައެވެ.