ފުލުހުން ބުނީ ކުޅުދުއްފުށީގައި ސިހުރުގެ ކަންތައް ބޮޑުވެގެން ލިބުނު ރިޕޯތްތަކަކާއި ގުޅިގެން ކޯޓު އަމުރެއްގެ ދަށުން އެ ސިޓީގެ 10 ގެއެއް މިއަދު ބަލާފައިވާ ކަމަށެވެ. އަދި އޭގެތެެރެއިން އަށް ގެއަކުން ސިހުރު ހަދަން ބޭނުން ކުރާ ސާމާނު ފެނިފައިވާކަމަށް ފުލުހުން ބުނެއެވެ.
އެތަކެތި ފުލުހުންގެ ބެލުމުގެ ދަށަށް ގެންދިޔަ ނަމަވެސް މި މައްސަލާގައި އަދި އެއްވެސް މީހަކު ހައްޔަރުކޮށްފައެއް ނުވެއެވެ.
ކުޅުދުއްފުށީގައި ސިހުރު ކަންތައް ބޮޑުވެ ރައްކާތެރިކަމިގެ ފިޔަވަޅު އެޅުމުގެ ގޮތުން ބައެއް ގެތަކުގައި ވަށައިގެން ފެންނަހެން ސީސީޓީވީ ކެމެރާ ހަރުކޮށްފައިވާކަމަށް އެރަށުގެ ބައެއް މީހުން ބުނެއެވެ. އަދި މިހާރު ފުލުހުން އޮޕަރޭޝަނެއް ހިންގަނީ އެރަށުން ސިހުރުގެ ތުހުމަތުކުރެވޭ ގިނަ މައްސަލަތަކެއް ހުށައެޅުމުން ކަމަށްވެސް އެ ރަށު ބައެއް މީހުން ބުނެއެވެ.
ދާދީ ފަހުން ރާއްޖޭގެ އެހެން ބައެއް ރަށްތަކުގެވެސް ސިހުރުގެ ކަންކަން ބޮޑުވެ ފުލުހުން އަރާ ވަނީ އޮޮޕަރޭޝަންތަކެއް ހިންގާ ބައެއް ރަށްރަށުން ވަނީ މީހުންވެސް ހައްޔަރުކޮށްފައެވެ.
އެގޮތުން ދާދި ފަހުން ތ. ވިލުފުއްޓާއި ރ. އަލިފުއްޓާއި ރ. މީދޫގެ އިތުރުން ހއ. ކެލާއަށްވެސް ފުލުހުން ވަނީ އަރާފައެވެ. އަދި ބައެއް ގެތައް ބަލާ ފާސްކޮށް ފޮތްތަކެއް ވަނީ ގެންގޮސްފައެވެ.
