މިކަން މިނިސްޓަރު ހާމަކުރެއްވީ އިންޑިއާގެ އެޕޯލޯ ހޮސްޕިޓަލްސްއިން ބޭއްވި ބައިނަލްއަގުވާމީ ބައްދަލުވުމެއްގައެވެ.
މިނިސްޓަރު ވިދާޅުވި ގޮތުގައި ރާއްޖޭގެ ޑިޖިޓަލް ހެލްތު ބްލޫޕްރިންޓް ފްރޭމްވަރކް ވަރަށް އަވަހަށް ތައާރަފުކުރެވޭނެއެވެ. އަދި މި ފްރޭމްވަރކްގެ ސަބަބުން ސިއްހީ ހިދުމަތުގެ ފެންވަރު މަތިވެ، ގިނަ މީހުންނަށް ހިދުމަތް ލިބުމުގެ މަގު ތަނަވަސްވެގެންދާނެއެވެ.
އެހެންނަމަވެސް ޑިޖިޓަލް ނިޒާމެއް ބޭނުންކުރުމުގައި ސަމާލުވާންޖެހޭ ކަންތައްތަކެއް ހުރި ކަމަށް މިނިސްޓަރު ފާހަގަކުރެއްވިއެވެ. ހާއްސަކޮށް ބަލިމީހުންގެ ޒާތީ މައުލޫމާތުތައް ރައްކާތެރިކުރުމަށް ސައިބާ ސެކިއުރިޓީ ފްރޭމްވޯކްތައް ހަރުދަނާކުރުމަކީ މުހިންމު ކަމެއް ކަމުގައި ވިދާޅުވިއެވެ.
މިހާރުވެސް ޕްރައިމަރީ ހެލްތު ކެއާ އަދި ވެކްސިނޭޝަންއާ ގުޅުންހުރި ޑިޖިޓަލް ޕްލެޓްފޯމްތައް ވަނީ ގާއިމުކުރެވިފައެވެ. އަދި މިކަމުގެ ސަބަބުން ރާއްޖެއަކީ ސަރަހައްދީ ފެންވަރުގައި ޑިޖިޓަލް ސިއްހީ ނިޒާމު ގާއިމުކުރުމުގައި ކުރިއަރާފައިވާ ގައުމެއްގެ ގޮތުގައި ފާހަގަކުރެވޭ ކަމަށް މިނިސްޓަރު ވިދާޅުވިއެވެ.
