ads
ބީއެމްއެލް
ރޯދަ މަހުން ފެށިގެން ބޭންކަށް ނުގޮސް ބީއެމްއެލްގެ ހުރިހާ ހިދުމަތެއް ލިބޭނެ
ރޯދަ މަހުގެ އެއް ވަނަ ދުވަހުން ފެށިގެން ބޭންކް އޮފް މޯލްޑިވްސް (ބީއެމްއެލް) ގެ ހުރިހާ ހިދުމަތެއް ޑިޖިޓަލްކޮށް ލިބޭނެ ގޮތަށް ހަމަޖައްސައިފިއެވެ.
Advertisement

މިއީ ކަސްޓަމަރުންނަށް ފަސޭހަކަމާއެކު ބޭންކިން ހިދުމަތްތައް ފޯރުކޮށްދިނުމަށް ގެނެވުނު މުހިންމު ބަދަލެކެވެ.

ބީއެމްއެލްއިން މިކަން އިއުލާންކުރަމުން ބުނީ، ކަސްޓަމަރުންނަށް 24 ގަޑިއިރު ހިދުމަތް ލިބޭގޮތަށް ހަމަޖެހިފައިވާ ކަމަށެވެ. މީގެ ތެރޭގައި ފައިސާ ޖަމާކުރުމާއި ނެގުން، ފައިސާ ޓްރާންސްފަރ ކުރުން، ލޯނާއި ފައިނޭންސް އަދި ކްރެޑިޓް ކާޑަށް ފައިސާ ދެއްކުމުގެ ހިދުމަތް ހިމެނެއެވެ.

މީގެ އިތުރުން 2025 ވަނަ އަހަރުގެ މާރިޗު މަހުން ފެށިގެން އާންމު އެކައުންޓްތަކާއި ވިޔަފާރި އެކައުންޓްތައް އޮންލައިންކޮށް ހުޅުވޭނެއެވެ. އަދި ގެދޮރު ގަތުމާއި އިމާރާތްކުރުމުގެ ލޯނުތަކަށްވެސް އޮންލައިންކޮށް އެދެވޭނެއެވެ.

ކަސްޓަމަރުންނަށް އިތުރު ފަސޭހަތަކެއް ގެނައުމުގެ ގޮތުން ކާޑު ނަގަން ބޭންކަށް އަންނަން ނުޖެހޭ ގޮތަށް، ކަސްޓަމަރުގެ ގެއަށް ކާޑު ފޮނުވައިދިނުމުގެ ހިދުމަތްވެސް ފަށާނެއެވެ. މި ހިދުމަތުގެ ދަށުން ގެއަށް ގެންގޮސްދޭ ކާޑުތައް އެކްޓިވޭޓްކޮށް އަދި ޕިން ބަދަލުކުރެވޭނީ އިންޓަނެޓް ބޭންކިން ނުވަތަ ބޭންކުގެ އެޕް މެދުވެރިކޮށެވެ.

ރޯދަ މަހު އެ ބޭންކުގެ ބްރާންޗްތައް ހުޅުވިފައި ހުންނާނީ ހެނދުނު 9:30 އިން މެންދުރު 12:30 އަށެވެ. އަދި ރޯދަ މަހުގެ ފަހު 10 ދުވަހު ބްރާންޗްތައް ބަންދުވާނެ ކަމަށް ބޭންކުން ބުނެފައިވެއެވެ.

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
100%
ވަރަށް ސަލާމް
ކޮމެންޓްސް