ހ. ފެންތިލަގޭ ހަސަން ޝާހް
ވަގު ސްލިޕުން ވިޔަފާރި ކުރި މީހާ، ސެންޓުފުޅިއެއް ވަގަށް ނަގައިފި
އަހުމަދު ހަސަން
01 ޖޫން 2025 - 08:20:51
ސައްހަ ނޫން ބޭންކު ސްލިޕް ބޭނުންކޮށްގެން ވިޔަފާރި ކުރި މައްސަލައަކާ ގުޅިގެން ފުލުހުން ހޯދި މީހަކު، ސެންޓުފުޅިއެއް ވަގަށް ނަގައިގެން ހައްޔަރުކޮށްފިއެވެ.
Advertisement
ސައްހަ ނޫން ބޭންކު ސްލިޕް ބޭނުންކޮށްގެން ވިޔަފާރިކުރި ދެ މީހަކު ފުލުހަށް ހާޒިރުވާން މިދިޔަ ފެބްރުއަރީ މަހު ފުލުހުން އިއުލާންކޮށްފައިވާއިރު، އޭގެ ތެރެއިން އެކަކީ، ހ. ފެންތިލަގޭ ހަސަން ޝާހްއެވެ. އޭނާ ހައްޔަރުކޮށްފައިވަނީ ވައްކަން ކޮށްގެނެވެ.
އޭނާ ހައްޔަރުކޮށް ކޯޓަށް ހާޒިރު ކުރުމުން އޭނާގެ ބަންދަށް، 15 ދުވަސް ޖަހާފައިވެއެވެ. އޭނާގެ ބަންދު އަމުރުން އެނގޭ ގޮތުގައި އޭނާވަނީ ސޯސަންމަގުގައި ހުންނަ ޝޮޕް އެންޑް ސޭވް ފިހާރައިން ސެންޓުފުޅިއެއް ވަގަށް ނަގާފައެވެ.
ބަންދު އަމުރުން އެނގޭ ގޮތުގައި މި މީހާއަކީ ކުށުގެ ރެކޯޑު ގިނަ މީހެކެވެ. މި ދިޔަ މޭ މަހުވެސް ވައްކަމުގެ މައްސަލައެއްގައި ފުލުހުންގެ ބެލުމުގެ ދަށަށް މި މީހާ ގެންގޮސްފައިވާ ކަމަށް ރެކޯޑްތަކުން ދައްކައެވެ.
100%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް
