އިއްޔެ ހިންގި އެކްސިޑެންޓްގައި އަނިޔާވެ ފަރުވާދެމުން އަންނަނީ އުމުރުން 18 އަހަރުގެ މުހައްމަދު އިލްމުއެވެ. އޭނާއަކީ މަރަދޫފޭދޫއަށް ނިސްބަތްވާ ޒުވާނެކެވެ.
އިއްޔެގެ އެކްސިޑެންޓަށް ފަހު އޭނާއަށް އެންމެ ފުރަތަމަ ފަރުވާދިނީ އައްޑޫ އީކުއަޓޯރިއަލް ހޮސްޕިޓަލުގައެވެ. އެހެންނަމަވެސް ހާލު ސީރިއަސް ވުމުން އިތުރު ފަރުވާ އިއްޔެގެ ވަގުތެއްގައި މާލެ ގެނެސް އައިޖީއެމްއެޗްގައި ވަނީ ފަރުވާދޭން ފަށާފައެވެ.
މި ޒުވާނާއަށް ފަރުވާދެމުން އަންނަނީ ވެންޓިލޭޓަރުގައި ބާއްވައިގެންކަމަށް އައިޖީއެމްއެޗުން ބުނެއެވެ.
އެނގިފައިވާ ގޮތުގައި މުހައްމަދު އިލްމު އެކްސިޑެންޓްވީ އައްޑޫ ސިޓގައި އައްޑޫ މޮޓޯ ރޭސިން އެސޯސިއޭޝަނުން އިސް ނަގައިގެން ހުޅުދޫގައި ފެށި އެންމެންގެ ޑްރެގް ޗެމްޕިއަންޝިޕަށް ފަރިތަކުރަމުން ދަނިކޮށެވެ. .
އެކްސިޑެންޓުވީ މުބާރާތަށް ފަރިތަކުރަމުން ދަނިކޮށް އޭނާ ދުއްވި ސައިކަލު ކޮންޓްރޯލް ނުވެ، ހަދަން ފަށާފައި ހުރި ގެއެއްގެ ތަނބެއްގައި ޖެހިގެންކަމަށް އެނގިފައިވެއެވެ.
