
ވިލާ ކޮލެޖުގައި މިއަދު ބޭއްވުނު ރަސްމިއްޔާތުގައި މި ހަވާލުކުރުމުގެ އެއްބަސްވުމުގައި ސޮއިކުރެއްވީ ލޯކަލް ގަވަރމަންޓް މިނިސްޓަރު އާދަމް ޝަރީފް އާއި، ޓްރާންސްޕޯޓް މިނިސްޓަރު މުހައްމަދު އަމީނެވެ. އެމްޓީސީސީގެ ފަރާތުން ވެސް މި އެއްބަސްވުމުގައި ސޮއިކޮށްފައިވެއެވެ.
ލޯކަލް ގަވަރމަންޓް މިނިސްޓްރީން ބުނި ގޮތުގައި މި ފެރީ ސްޓޮޕްތަކަކީ އާރްޓީއެލް ޒޯން 1 ގައި ހިމެނޭ ހއ، ހދ އަދި ށ އަތޮޅުގައި ގާއިމުކޮށްފައިވާ ސްޓޮޕްތަކެވެ. އަދި މި ސްޓޮޕްތައް ކުރިއަށް އޮތް ދުވަސްތަކުގައި ބަލަހައްޓާނީ ކައުންސިލްތަކުން ކަމަށާއި، އޭގެ ސަބަބުން ކައުންސިލްތަކަށް މާލީ މަންފާވެސް ލިބިގެންދާނެ ކަމަށް އެ މިނިސްޓްރީން ބުންޏެވެ.
އާރްޓީއެލް ފެރީގެ ހިދުމަތް މިހާރު ވަނީ 9 އަތޮޅެއްގެ 81 ރަށަކަށް ފޯރުކޮށްދެވިފައެވެ. އަދި ކުރިއަށް އޮތް ތާނގައި މި ހިދުމަތް ރ އަދި ބ އަތޮޅަށްވެސް ފޯރުކޮށްދިނުމަށް ވަނީ ރޭވިފައެވެ.