އާގިލް ނިޔާވީ އިންދިރާ ގާންދީ މެމޯރިއަލް ހޮސްޕިޓަލް (އައިޖީއެމްއެޗް) ގައި ފަރުވާ ދެމުންދަނިކޮށެވެ. އޭނާ ހޮސްޕިޓަލުގައި އެޑްމިޓްކޮށްފައިވަނީ މިމަހުގެ 23 ވަނަ ދުވަހު އޮފީހުގައި މަސައްކަތް ކުރަމުންދަނިކޮށް ދިމާވި ސިއްހީ މައްސަލައަކާ ގުޅިގެންނެވެ.
ޕީއެސްއެމްގެ މެނޭޖްމަންޓުން ބުނީ އާގިލްއަކީ އޮފީހުގެ ހުރިހާ މުވައްޒަފުންނަށްވެސް ވަރަށް އެހީތެރިވެދޭ މުވައްޒަފެއް ކަމަށެވެ. އަދި އޭނާއަކީ އޮފީހުގެ ގިނަ މަސައްކަތްތަކެއްގައި އިސްކޮށް ހަރަކާތްތެރިވާ މުވައްޒަފެއް ކަމަށާއި، ހައްސަކޮށް ޕީއެސްއެމްގެ ޕްރޮގްރާމްތައް ޝޫޓްކުރުމަށް ސްޓޫޑިއޯތައް ތައްޔާރުކުރުމުގައި އޭނާގެ ދައުރު ވަރަށް މުހިންމު ކަމަށް ފާހަގަކޮށްފައިވެއެވެ.
ޕީއެސްއެމްގެ ކޯޕަރޭޓް ސެކްޝަންގެ ސީނިއާ މެއިންޓަނަންސް އޮފިސަރުގެ މަގާމުގައި ހުރި އާގިލްއަކީ އޮފީހުގެ މަސައްކަތްތަކުގައި ގިނަ ވަގުތު ހޭދަކުރާ، އަދި ހިތްހެޔޮކަމާއެކު އެހެން މުވައްޒަފުންނަށް އެހީތެރިވުމުގައި ނަމޫނާ މުވައްޒަފެއްގެ ގޮތުގައި ފާހަގަކުރެވޭ މީހެއްކަމަށް އެ ކުންފުނިން ބުނެއެވެ.
