އިންޑިއާގެ އެހީގައި އެޅި 4000 ފެލްޓް ލިބޭ މީހުންގެ ލިސްޓު އަލުން މިއަދު ވަނީ އިއުލާންކޮށްފައެވެ. އަލަށް ލިސްޓުު އިއުލާންކުރި ކުރިން އެ ލިސްޓުގައި ފްލެޓް ލިބޭނެ ކަމަށް ސަރތު ހަމަވި އެތައް ބަޔަކު ޝަރުތު ހަމަނުވާކަމަށް ވަނީ ކަނޑައަޅާފައެވެ.
ފެލްޓް ލިސްޓު އިއުލާންކުރަން މިއަދު ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން ހައުސިން މިނިސްޓަރު ޑރ. އަބްދުﷲ މުއްތަލިބު ވަނީ ކުރީ ސަރުކާރުން ފްލެޓްތަކުން ނަގަން ނިންމާފައިވާ ކުލިތައް ބޮޑުކޮށްފައިވާކަން އިއުލާންކޮށްފައެވެ.
ކުރީ ސަަރުކާރުން ދެ ކޮޓަރީގެ އެޕާޓްމެންޓެއްގެ ކުލީގެ ގޮތުގައި ކަނޑައެޅީ 5،000 ރުފިޔާ އަދި މެއިންޓަނަންސްއަށް 1000 ރުފިޔާއެވެ. އަދި ތިން ކޮޓަރީގެ އެޕާޓްމެންޓަށް ކަނޑައެޅީ 7،000 ރުފިޔާ އަދި މެއިންޓަނަންސަށް 1000 ރުފިޔާއެވެ.
މިނިސްޓާރު މުއްތަލިބު ވިދާޅުވީ އެ އަގުތަތަކީ ލޯނެއް ނަގައިގެން ހިންގާ މަޝްރޫއަކަށްވާއިރު އެކަށޭނެ އަގުތަކެއް ނޫންކަމަށެވެ.
މިނިސްޓާރު މުއްތަލިބް ވިދާޅުވީ ދައްކަންޖެހޭ ލޯނުގެ އަދަދަށް ބަލާއިރު އަދްލު ކުލި ނަގަންޖެހޭނީ ދެ ކޮޓަރިއަށް 9،000 ރުފިޔާކަމަށެވެ. އަދި ތިން ކޮޓަރީގެ އެޕާޓްމަންޓަށް ނަގަން ޖެހޭނީ 13،000 ރުފިޔާކަމަށެވެ. މިނިސްޓަރު މުއްތަލިބު ވަނީ އެ ކުލިތައް ސަބްސިޑައިޒްކޮށް މިހާރު ނެގުމަށް ނިންމާފައިވާ އަގުތައް އިއުލާންކޮށްފައެވެ.
މިހާރު ނަގަން ނިންމާފައިވާ އަގުތައް
- ކޮޓަރީގެ އެޕާޓުމެންޓް މަހު ކުލި 7،000 ރުފިޔާ، މެއިންޓެނެންސް 1،000 ރުފިޔާ (ޖުމްލަ 8000 ރުފިޔާ ) ޑައުންޕޭމެންޓް 15،000 ރުފިޔާ
- ތިން ކޮޓަރީގެ އެޕާޓުމެންޓް މަހު ކުލި 9،000 ރުފިޔާ، މެއިންޓެނެންސް 1،500 ރުފިޔާ (ޖުމްލަ 10500 ރުފިޔާ) ޑައުންޕޭމެންޓް 25،000 ރުފިޔާ
