ރޯދަމަހުގެ ފުރަތަމަ ދުވަހުން ފެށިގެން ފިތުރު ޒަކާތް ބަލައި ގަންނަން ފަށާނެކަމަށް ޒަކާތު ހައުސް އިން ބުނެފިއެވެ.
Advertisement
ޒަކާތު ހައިސް އިން ބުނީ ރޯދަމަހުގެ 27 ވަނަ ދުވަހުގެ ނިޔަލަށް ޒަކާތް ބަލައި ގަންނަމުން ގެންދާނެކަމަށެވެ. އަދި ބަނޑޭރިޕޭ އަދި ފަހިޕޭ މެދުވެރިކޮށް ރޯދަމަހުގެ އެންމެ ފަހު ދުވަހާ ހަމައަށް ފިތުރު ޒަކާތް ބަލައި ގަންނާނެކަމަށްވެސް ޒަކާތުހައުސް އިން ބުނެެއެވެ.
އޮންލައިންކޮށް ޒަކާތް ދެއްކޭގޮތްތައް
- ދިރާގު: އެޕް / ދިރާގު ޕޭ ވެބްސައިޓް މެދުވެރިކޮށް
- އުރީދޫ: އެމްފައިސާ އެޕްލިކޭޝަން މެދުވެރިކޮށް
- މޯލްޑިވްސް އިސްލާމިކު ބޭންކު: ފައިސާ މޮބައިލް އެކްސް އެޕްލިކޭޝަން މެދުވެރިކޮށް
- ބޭންކް އޮފް މޯލްޑިވްސް: ބީއެމްއެލް މޯބައިލް (އެޕްލިކޭޝަން) މެދުވެރިކޮށް
- ފަހިޕޭ: ފަހިޕޭ އެޕްލިކޭޝަން މެދުވެރިކޮށް
- ބަނޑޭރި ޕޭ ވެބްސައިޓު ނުވަތަ ޕޯޓަލް މެދުވެރިކޮށް
އުމުރުން ދުވަސްވީި މީހުންނާއި އޮންލައިންކޮށް ޒަކާތް ދެއްކުމަށް އަހުލުވެރިނޫން މީހުންނަށް އިސްލާމީ މަރުކަޒުން ޒަކާތް ބަލައިގަތުމުގެ އިންތިޒާމްތައް ހަމަޖެހިފައިވާނެކަމަށް ޒަކާތު ހައުސްއިން ބުނެއެވެ.
ކައުންޓަރުތަކުން ފައިސާ ބަލައިގަން ދުވަސްތަކާއި ވަގުތުތައް
- ފުރަތަމަ 20ގައި / ރަސްމީ ބަންދުނޫން ކޮންމެ ދުވަހެއްގެ ހެނދުނު 9:30 އިން މެންދުރުފަހު 1:00 އަށް
- ފަހު 10 ގައި / ހުކުރާއި ހޮނިހިރު ފިޔަވައި ކޮންމެ ދުވަހެއްގެ 11:00 އިން މެންދުރުފަހު 2:00 އަށް
ޒަކާތު ހައުސް އިން ބުނީ މާލެ ސިޓީ ފިޔަވައި ރަށްރަށުގައި ނަޤުދު ފައިސާއިން ފިތުރުޒަކާތް ބަލައިގަތުމުގެ އިންތިޒާމު ހަމަޖައްސާނީ އެރަށެއްގެ ރަށު ނުވަތަ ސިޓީ ކައުންސިލުތަކުން ކަމަށެވެ.
ފިތުރު ޒަކާތް ދައްކަން ޖެހޭ ފައިސާ
- އާދައިގެ ހަނޑޫ : 12 ރުފިޔާ
- ތައިލެންޑް ހުދު ހަނޑޫ : 62 ރުފިޔާ
- ރަތް ހަނޑޫ : 86 ރުފިޔާ
- ބާސްމަތީ ހަނޑޫ (އާދައިގެ) : 74 ރުފިޔާ
- ބާސްމަތީ ހަނޑޫ (މޮޅު) : 100 ރުފިޔާ
- ބާސްމަތީ ހަނޑޫ (އެންމެ މޮޅު) : 133 ރުފިޔާ
- އާދައިގެ ފުށް : 10 ރުފިޔާ
- އާޓާ ފުށް : 75 ރުފިޔާ
