މި ދެ މީހުން ހައްޔަރުކޮށްފައިވަނީ ކޯޓު އަމުރެއްގެ ދަށުންނެވެ.
މި އިހުތިޖާޖަކީ މިދިޔަ އަހަރުގެ ސެޕްޓެމްބަރު މަހުގެ 10 ވަނަ ދުވަހު ހޮޅުދޫގައި މަރުވެފައި އޮއްވާ ފެނުނު ޒަކިއްޔާ މޫސާގެ މަރުގެ މައްސަލައާ ގުޅިގެން ބޭއްވި އިހުތިޖާޖެކެވެ. މި އިހުތިޖާޖުގައި ރައްޔިތުން ގޮވާލާފައިވަނީ ޒަކިއްޔާގެ މަރަށް އިންސާފު ހޯދައިދިނުމަށާއި ހޯމް މިނިސްޓަރު އަލީ އިހުސާނުގެ އިސްތިއުފާއަށެވެ.
މި މައްސަލައާ ގުޅިގެން މިދިޔަ އަންގާރަ ދުވަހު ހޯމް މިނިސްޓަރު އިހުސާނާއި ކޮމިޝަނާ އޮފް ޕޮލިސް އަލީ ޝުޖާއު ވަނީ ހޮޅުދޫއަށް ޒިޔާރަތްކޮށް ރައްޔިތުންނާ ބައްދަލުކޮށްފައެވެ. މި ބައްދަލުވުމުގައި ހޯމް މިނިސްޓަރު ވަނީ މައްސަލައިގެ ތަހުގީގުގައި ފުލުހުންގެ އިހުމާލު ހުރިކަން ގަބޫލުކުރައްވާ، ލަސްވެފައިވާތީ މައާފަށް އެދިވަޑައިގެންފައެވެ.
ފުލުހުން މިހާރު ވަނީ މި މައްސަލަ ތަހުގީގު ކުރަމުންދާ ކަމަށް ބުނެފައެވެ.
