މި މަޝްރޫއު ކުރިއަށް ގެންދަނީ އެމްއެމްޕީއާރްސީ، އެމްޓީސީސީ އަދި އެޗްޑީސީ ގުޅިގެންނެވެ.
ފަޅުގައި ފައްތާ ދެ މަތިންދާބޯޓަކީ ކުރިން އެއާ މޯލްޑިވްސްގައި ބޭނުންކުރި ޑޯނިއާ މަތިންދާބޯޓެވެ. މިހާރު އެމްޓީސީސީގެ ބާޖެއްގައި އެ ދެ މަތިންދާބޯޓު ގެންދިއުމުގެ މަސައްކަތް ވަނީ ފަށާފައެވެ.
މި މަޝްރޫއުގެ އީއައިއޭ ރިޕޯޓުގައި ބަޔާންކޮށްފައިވާ ގޮތުގައި މަތިންދާބޯޓު ގެންގުޅުމާއި އެއްތަނުން އަނެއް ތަނަށް ގެންދިއުމުގެ ތެރޭގައި މީހުންނަށް ސިއްހީ އަދި ޖިސްމާނީ ނުރައްކާ ކުރިމަތިވެދާނެއެވެ. އެހެންކަމުން މަސައްކަތުގައި ބައިވެރިވާ މީހުންނަށް ރައްކާތެރިކަމާއެކު މަސައްކަތް ކުރުމުގެ އުސޫލުތައް ކިޔައިދީ ތަމްރީނު ކުރަން ޖެހޭނެ ކަމަށް ރިޕޯޓުގައި ފާހަގަކޮށްފައިވެއެވެ.
ނިމިދިޔަ ސަރުކާރުން މާލެ ސަރަހައްދުގައި ދިރިއުޅޭ މީހުންނަށް ދަތުރުދިއުމަށް ތަރައްގީކޮށްފައިވާ ކުޑަގިރީގައި މިހާރު ވަނީ ޒަމާނީ ފެންވަރުގެ ވަސީލަތްގާއިމްކޮށްފައިކަމަށް އެޗްޑީސީން ބުނެއެވެ. އަދި މި ޕިކްނިކް އައިލެންޑްގައި ދަތުރުވެރިން ތިބޭނެ ކޮޓަރިތައްވެސް ހުރެއެވެ.
