މިހާރު ރާއްޖެއަށް ކުރަމުންދާ ވިއްސާރަގައި މި އަތޮޅުތަކަށް ގުގުރުމާއި އެކު ބޯކޮށް ވާރޭ ވެހޭނެ ކަމަށް ލަފާކޮށް މިރޭ 9:45 ގައިވެސް އޮރެންޖެ އެލާޓްވަނީ ނެރެފައެވެ. އެއަށް ފަހު އެލާޓުގެ ވަގުތު ދެ ވަނަ ފަހަރަށް މިވަނީ އިތުރުކޮށްފައެވެ.. މެޓް އޮފީހުގެ އެލާޓްގެ ވަގުތު އިތުރުކުރީ ހެނދުނު 7:00 އަށެވެ.
މެޓް އޮފީހުން ބުނީ އެލާޓް ނެރެފައިވާ ސަރަހައްދުތަކްށް ގުގުރުމާއެކު ބޯކޮށް ވާރޭވެހި ފެންބޮޑުވާނެ ކަމަށް ލަފާކުރެވޭ ކަމަށެވެ. އެހެންކަމުން މޫސުމަށް ސަމާލުވުމަށް މެޓް އޮފީހުން އިލްތިމާސްކުރެއެވެ. އަދި ބައއެއް ސަރަހައްދުތަކަށް ވައިގަދަވާނެތީ މެޓް އޮފީހުން ވަނީ ޔެލޯ އެލާޓްވެސް ނެރެފައެވެ.
ރާއްޖެއަށް ކުރަމުންދާ ވިއްސާރާގައި އެކި ހިސާބުތަކަށް ހުއްޓާނުލާ ދަނީ ވާރޭވެހެމުންނެވެ. ވެރިރަށް މާލެއަށްވެސް ރޭ އިރާކޮޅުން ފެށިގެން ހުއްޓާނުލާ ދަނީ ވާރޭ ވެހެމުންނެވެ. އަދި މުޅި މާލޭގައި ވަނީ ފެންބޮޑުވެފައެވެ.
މެދުނުކެނޑި ބޯކޮށް ވާރޭވެހި އަދި ބައެއް ސަރަހައްދު ތަކުގައި ފެންބޮޑުވެ، އެކަމުގެ ސަބަބުން ވަރަށް ގިނަ ރައްޔިތުންނަށް ދަތިވެ، ތަކުލީފުތަކެއް ލިބިފައިވާތީ މިއަދަކީ ރަސްމީ ބަންދު ދުވަހެއްގެ ގޮތުގައި ހަމަޖައްސާފައިވާކަމަށް ސަރުކާރުން ބުނެއެވެ.
