މިހާރު ކުރަމުންދާ ވިއްސާރާގައި މި ދެދުވަހި ވެހުނު ބޯވާރޭގެ ސަބަބުން މުޅި މާލޭގައި ވަނީ ފެންބޮޑުވެފައެވެ. ބައެއް ގެތަކަށް ފެންވަދެ ގެއްލުންތަކާއިވެސް ވަނީ ކުރިމަތިވެފަައެވެ.
ނެޝަނަލް ޑިޒާސްޓާ މެނޭޖްމަންޓް އޮތޯރިޓީ (އެންޑީއެމްއޭ) އިން ބުނީ މި ވިއްސާރައިގައި، މާލެއަށާއި އަތޮޅުތެރޭގެ ގިނަ ރަށްތަކަށް ބޯކޮށް ވާރޭވެހި ފެންބޮޑުވުމުގެ ހާދިސާތައް ހިނގަމުންދާ ކަމަށެވެ.
މާލޭގާއި ފެންބޮޑުވުމުގެ ސަބަބުން ނަޖިސް ބޭރުވުމުގެ ހާދިސާތައް ދިމާވެފައިވާ ކަމަށް އެންޑީއެމްއޭއިން ބުނެއެވެ. އެގޮތުން ހަތަރު ގެއަކުން 40 މީހަކު ރައްކާތެރި ތަންތަނަށް ބަދަލުކުރަންޖެހުނުކަމަށްވެސް އެންޑީއެމްއޭއިން ބުނިއެވެ.
މާލޭގެ އިތިރުން ރަށްރަށުގައިވެސް ގިނަ އަދަދެއްގެ ގޭގެއަށް ފެންވަންނަމުން ދާތީ، އެކަމުގައި އެހީތެރިކަން ފޯރުކޮށްދިނުމުގެ މަސައްކަތް ކުރަމުން އަންނަކަމަށް އެންޑީއެމްއޭއިން ބުނެއެވެ.
