ads
ޑޮކްޓަރުންނަށްދޭ ވަގުތީ ހުއްދައިގެ މުއްދަތު ކުރުކޮށްފި
އިމްތިހާނު ހެދުމުގެ ކުރިން ޑޮކްޓަރުންނަށްދޭ ވަގުތީ ހުއްދައިގެ މުއްދަތު ކުރުކޮށްފިއެވެ.
Advertisement

ހެލްތް މިނިސްޓްރީން ބުނީ މޯލްޑިވްސް މެޑިކަލް އެންޑް ޑެންޓަލް ކައުންސިލްގެ މެޑިކަލް ލައިސެންސިންގ އެގްޒާމް ފުރިހަމަ ކުރަންޖެހޭ ޑޮކްޓަރުންނަށް  މީގެކުރިން އެއް އަހަރު ދުވަހުގެ މުއްދަތަށް ދޫކުރަމުންދިއަ ޕްރޮވިޝަނަލް ރެޖިސްޓްރޭޝަންގެ މުއްދަތު ކުރުކުރަން ނިންމާފައިވާކަމަށެވެ. މިގޮތުން މި ހުއްދަ ހަ މަސްދުވަހަށް ކުރުކުރަން ނިންމާފައިވާކަމަށާއި މި ބަދަލު ގެންނަން ނިންމީ މިދިޔަ އަހަރުގެ ސެޕްޓެމްބަރު މަހުގެ އެއްވަނަ ދުވަހުން ފެށިގެންކަމަށް ހެލެތް މިނިސްޓްރީން ބުނެއެވެ. 

މި ނިންމުން ގެޒެޓްކޮށް އަމަލުކުރަން ފަށާފައިވަނީ މިމަހުގެ އެއްވަނަ ދުވަހުން ފެށިގެންކަމަށް ހެލްތު މިނިސްޓްރީން ބުނެއެވެ.

" ވީމާ، 2025 މާރިޗު 01 ވަނަ ދުވަހުން ފެށިގެން ޕްރޮވިޝަނަލް ރެޖިސްޓްރޭޝަން އަދި ލައިސެންސް ދޫކުރަމުންދާނީ 6 މަސް ދުވަހަށް." ހެލްތު މިނިސްޓްރީން ކުރި އިއުލާންގައިވެއެވެ.

މި ބަދަލު ގެނައިނަމަވެސް މިދިޔަ އަހަރުގެ ސެޕްޓެމްބަރުން މި މަހުގެ އެއްވަނަ ދުވަހާއި ހަމައަށް  ރެޖިސްޓްރޭޝަން ("ބީ" ކެޓަގަރީ) ދޫކުރެވިފައިވާ ހުރިހާ ޑޮކްޓަރުންނަށް އިތުރު 6 މަސް ދުވަސް ލިބޭނެކަމަށް ހެލެތް މިނިސްޓްރީން ބުނެއެވެ. އަދި އެ މުއްދަތު އިތުރުކުރާނީ މިމަހުގެ އެއްވަނަ ދުވަހުން ފެށިގެންކަމަށްވެސް ހެލްތް މިނިސްޓްރީން ބުނެއެވެ. 

ވަގުތީ ލައިސަންސްގެ މުއްދަތަށް ބަދަލު ގެނައިނަމަވެސް އިމްތިހާނު ހެދުމުން ދޫކުރާ ދާއިމީ ލައިސަންސްގެ މުއްދަތަކަށް އެއްވެސް ބަދަލެއް ނާދެއެވެ. އެ ލައިސަންސްގެ މުއްދަތަކީ ފަސް އަހަރު ދުވަހެވެ. 

0%
ކަމުގޮސްފި
0%
އަޑުއެހިތާ މިހުރީ
0%
ސަތޭކައަކުން ސުމެއް
0%
ވަރަށް ސަލާމް
ކޮމެންޓްސް