ސަރުކާރުން ސުޕްރީމްކޯޓަށް ނުފޫޒު ފޯރުވާކަމަށް ބުނެ މަޖިލިހަށް ކުއްލި މައްސަލައެއް ހުށައެޅުއްވީ އިދިކޮޅު އެމްޑީޕީއަށް ނިސްބަތްވެޑައިގަންނަވާ ހުޅުމާލޭ ދެކުނު ދާއިރާގެ މެމްބަރު ޑރ. އަހްމަދު ޝަމްހީދުއެވެ.
ކުއްލި މައްސަލަ ހުށައަޅުއްވަމުން ޝަމްހީދު ވިދާޅުވީ މި ކުއްލި މައްސަލައަކީ އަދުލް އިންސާފު ގާއިމުކުރުމުގެ ބާރުގައި މަރު ތަޅު އަޅުވާ ދިވެހި ރާއްޖޭގެ ސުޕްރީމްކޯޓުގެ ތިން ފަނޑިޔާރުން ސަސްޕެންޑްކޮށް އަދު އިންސާފުގެ ބާރަށް ނުފޫޒު ފޯރުވުމަށް ސަރުކާރުން ކުރަމުންދާ މަސައްކަތާއި މެދު ކަންބޮޑުވުން ފާޅުކޮށް ހުށައަޅާ ހުށައެޅުމެއްކަމަށެވެ.
މި މަައްސަލަ ބަލައިގަންނަ ފެންނަން ނެގި ވޯޓްގައި އަހުމަދު އަޒާން ވަނީ ބައިވެރިވެޑައި ނުގެން ވަކިކޮޅަކަށް ވޯޓް ނުދެއްވާ އިންނަވާފައެވެ.
ސްުޕްރީމް ކޯޓުގެ ބެންޗު ކުޑަކުރަން ހުށައެޅި ބިލް ބަލއިގަތުމަށްވެސް އަދި ކޮމެޓީ މަރުހަލާ ނިންމާ އެ ބިލް ފާސްކުރުމަށްވެސް އަޒާން ވޯޓް ދެއްވާފައެއް ނުވެއެވެ. އެކަމުގެ ސަބަބުން އަޒާން އިންނެވި މަޖިލީހުގެ ބާރުގަދަ ދެ ކޮމެޓީއަކުން އޭނާ ވަނީ ވަކިކޮށްފައެވެ.
