އެމްޑީއޭގެ ނައިބު ރައީސް އަދި ވެލިދޫ ދާއިރާގެ މެމްބަރު މުހައްމަދު އައްބާސް ވިދާޅުވީ ކަމަދޫ ކޮންމެ ގެއަކަށް ރޯދަ ހަދިޔާއެއްގެ ގޮތުގައި ބިސް ކޭހެއް ދޭން ސިޔާމް ނިންމަވާފައިވަނީ ސިޔާމް ކެއާގެ ފަރާތުންކަމަށެވެ.
ސިޔާމް ކެއާގެ ފަރާތުން ރޯދަ ހަދިޔާއެއްގެ ގޮތުގައި ވެލިދޫ ދާއިރާގައި ހިމެނޭ ތިން ރަށުގައި މީހުން ދިރިއުޅޭ ކޮންމެ ގެއަކަށްވެސް ބިސް ކޭހެއް ވަނީ ދީފައެވެ.
ސަން ސިޔާމް ރިސޯޓްސްގެ ވެރިޔާ އަދި ދ. މީދޫ ދާއިރާގެ މަޖިލިސް މެމްބަރު އަހުމަދު ސިޔާމް މުހައްމަދާއި ބ. ކަމަދޫން ގިނަ ބައެއްގެ މަގުބޫލަކަން އާމިނަތު ޒާރާ ކައިވެނި ބައްލަވައިގަތީ މިދިޔަ އަހަރު އޮކްޓޫބަރު މަހުގެ 10 ވަނަދުވަހުއެވެ.
ސަން ސިޔާމް ކެއާގެ ގެ ފަރާތުން ވަނީ 564 މީހުންގެ އާބާދީއެއް އޮންނަ ބ. ކަމަދޫގެ ހުރިހާ ރައްޔިތުންނަށް ހިލޭ ބޭސްފަރުވާ ކުރެވޭނެ ގޮތްވެސް ހަމަޖައްސައިދީފިއެވެ. އެގޮތުން ރާއްޖޭންނާއި ރާއްޖޭން ބޭރުން ބޭސްފަރުވާ ކުރުމަށް މާލީ އެހީތެރިކަން ބޭނުންވާ މީހުންނަށް ކަނޑައެޅޭ އުސޫލެއްގެ ދަށުން އެ އެހީތެރިކަން ދޭން ސިޔާމް ނިންމަވާފައިވާކަމަށް ކަމަދޫ ކައުންސިލުން ވަނީ މީގެކުރިން ބުނެފައައެވެ. އަދި އެ އެހީއަށް ބޭނުންވާ މީހުން އެކަމަށް އެދުމަށްވެސް ކައުންސިލުން ވަނީ ހުޅުވާލާފައެވެ.
