ހުޅުމާލޭ ފުރަތަމަ ފިޔަވަހީގެ ވަގުތީ މިސްކިތް ކުރިން ހުރި ބިމުގައި ބިނާކުރާ މި މިސްކިތުގެ ބިންގާ އަޅުއްވާ ދެއްވީ ރައިސް ޑރ. މުހައްމަދު މުއިއްޒުއެވެ.
މަދީނާ އިންވެސްޓްމަންޓްގެ މެނޭޖްމަންޓުގެ ދަށުން ޢިމާރާތްކުރާ މި މިސްކިތަކީ، މ. ތައިބާ ފަޟީލަތުއްޝައިޚް އިސްމާއީލު މުހައްމަދުގެ ދީލަތި އެހީގައި ބިނާކުރެވޭ މިސްކިތެކެވެ. ދެ ފަންގިފިލާއަށް އިމާރާތްކުރާ މިސްކިތަކީ 2000 މީހުންގެ ޖާގައިގެ މި މިސްކިތެކެވެ.
ކުރިން މާލޭގައި މަޝްހޫރުވި ތޮއިބާ ސްކޫލްވެސް ހިންގެވި ތޮއިބާ އިސްމާއިލް އިމާރާތް ކޮށްދެއްވާ މިސްކިތުގެ ނަން ނިސްބަތް ކުރައްވަނީ ކީރިތި ރަސޫލާގެ އަނބިކަނބަލުން އުންމުލްމުއުމިނީން އާއިޝަތުގެފާނަށެވެ.
މި މިސްކިތުގައި ރިސާޗް ލައިބްރަރީއަކާއެކު އަންހެނުންނަށް ނަމާދު ކުރެވޭ ޖާގައަކާއި، އަންހެނުންނަށް ހާއްސަ ފާހާނާއެއްވެސް ހުންނާނެއެވެ. އަދި މި މިސްކިތުގައި ކަރަންޓު އުފެއްދުމަށް ނިންމާފައިވަނީ، އިރުގެ ހަކަތަ ބޭނުންކޮށްގެންނެވެ.
އަމާޒަކީ އެއް އަހަރުހެ ތެރޭގައި މިސްކިތުގެ މަސައްކަތް ނިންމައި އަންނަ ރޯދަމަހަށް މިސްކިތް ހުޅުވުން ކަމަށް މަދީނާ އިންވެސްޓްމަންޓުން ބުނެއެވެ.
