މި ކަމަށްޓަކައި ސަލަފު ޖަމިއްޔާ އާއި އެޗްޑީސީ ދެމެދު ވަނީ އެއްބަސްވުމެއްގައި ސޮއިކޮށްފައެވެ.
އެއްބަސްވުމުގެ ދަށުން، އިފްތާރު ޕެކްތައް ތައްޔާރުކުރުމަށް ބޭނުންވާ މަސައްކަތު ޖާގަ އެޗްޑީސީން ވަނީ ސަލަފު ޖަމިއްޔާއަށް ހިލޭ ހަމަޖައްސައިދީފައެވެ. ރޯދަ މަހުގެ ކޮންމެ ދުވަހަކު ހުޅުމާލޭ ހޮސްޕިޓަލުގައި މަސައްކަތްކުރާ ސިއްހީ ދާއިރާގެ މުވައްޒަފުންނާއި ހޮސްޕިޓަލުގައި ފަރުވާ ހޯދަމުންދާ ބަލިމީހުންނަށް މި ޕްރޮގްރާމްގެ ދަށުން އިފްތާރު ޕެކް ފޯރުކޮށްދޭނެއެވެ.
މި ޕްރޮގްރާމަކީ ރޯދަ މަހުގައި އެކަކު އަނެކަކަށް އެހީތެރިވެ އަޅާލުމަށާއި، އިސްލާމީ ރިވެތި އާދަތަކާ އެއްގޮތަށް އެކަކު އަނެކަކަށް ހަދިޔާ ދިނުމަށް ބާރުއެޅުމުގެ ގޮތުން ކުރިއަށްގެންދާ ޕްރޮގްރާމެކެވެ. އަދި ބަލިމީހުންނަށް ފަރުވާ ދިނުމަށް ބުރަ މަސައްކަތްކުރާ ސިއްހީ ދާއިރާގެ މަސައްކަތްތެރިންގެ އަގު ވަޒަންކުރުމުގެ ގޮތުންވެސް ކުރިއަށްގެންދާ ހަރަކާތެކެވެ.
އެޗްޑީސީގެ އަމާޒަކީ، ކުންފުނީގެ ކޯޕަރޭޓް ސޯޝަލް ރެސްޕޮންސިބިލިޓީގެ ދަށުން ކުރިއަށް އޮތްތަނުގައިވެސް މިފަދަ މުޖުތަމައަށް ފައިދާހުރި ގިނަ ޕްރޮގްރާމްތަކެއް ހިންގުމާއެކު ރޯދަ މަހުގައި އެކަކު އަނެކަކަށް އެހީތެރިވުމަށް ބާރު އެޅުމެވެ.
