މި މީހާ ވެއްޓިފައިވަނީ ހުޅުމާލޭ ގެ ދެ ފޭސް ގުޅުވާދޭ ބްރިޖުތަކުން ހިތިގަސް މަގު ބުރިޖު މަތިން ކަމަށް ފުލުހުން ބުނެއެވެ.
ފުލުހުން ބުނީ މި މީހާ ބްރިޖު މަތިން ވެއްޓުނު ރިޕޯޓް ލިބުނީ ރޭ ފަތިހު 05:42 ހާއިރު ކަމަށެވެ. އަދި އެ މީހާ ނަގއިގެން ހެނދުނު 06:13 ހާއިރު ހުޅުމާލެ ހޮސްޕިޓަލަށް ގެންގޮސްފައިވާކަމަށް ފުލުހުން ބުނެއެވެ. އަދި އެމީހާގެ ހާލު ރަނގަޅުކަމަށާއި އެ މައްސަލަ ބަލަމުން އަންނަކަމަށް ފުލުހުން ބުނެއެވެ.
އެހެންނަމަވެސް އިތުރު ތަފްސީލެއް އަދި ނުދެެއެވެ. އަދި އެއީ ދިވެއްސެއްކަމެއް ބިދޭސީއެއް ކަމެއްކަންވެސް ފުލުހުން ނުބުނެެއެވެ.
މި މީހާ މޫދުން ނަގާ މަންޒަރު ފެންނަ ވީޑިއޯއެއް އަންނަނީ ސޯޝަލް މީޑިއާގައި ދައުރުވަމުންނެވެ. އެ ވީޑިއޯއިން ފެންނަ ގޮތުގައި އެމީހާ ސަލާމަތް ކޮށް މޫދުން ނަގަނީ ޓްރެފިކް ދެ ޕޮލިހުންނެވެ. އަދި އެމީހާ އެއްވެސް ހަރަކާތެއް ނުކޮށް އޮންނަ ތަން އެ ވީޑިއޯއިން ފެނެއެވެ.
