މިއަދު ހަމަވާން އޮތް އިއުލާނުގެ މުއްދަތު މިހާރު ހަމަވާނީ މިމަހުގެ 14 ވަނަ ދުވަހުއެވެ.
މޯލްޑިވިއަން އިން މި ފަހަރު ހޯދަނީ ފަސް އަހަރު ދުވަހުގެ މުއްދަތަށް ކުއްޔަށް ނަގާ ގޮތަށް އޭ330-200 ވައިޑްބޮޑީ އެއާބަސް ފްލައިޓެކެވެ. ސަރުކާރުގެ ޕްލޭން އަކީ މިއަހަރުގެ އޮކްޓޯބަރު މަހުގެ ތެރޭގައި މި އަލަށް ހޯދާ ފްލައިޓުން ބައިނަލްއަގުވާމީ ދަތުރުތައް ފެށުމެވެ.
މޯލްޑިވިއަންގެ ފްލީޓަށް އެންމެ ފަހުން އޭ330 ފްލައިޓެއް އިތުރުކުރީ މިއަހަރުގެ ޖެނުއަރީ ހަވަނަ ދުވަހުއެވެ. މި ފްލައިޓު މިހާރު ޗައިނާގެ ބެއިޖިން، ޝެންހާއީ އަދި ޗެންގްޑޫއަށް ދަތުރުތައް ކުރަމުން ގެންދެއެވެ.
މިހާރު މޯލްޑިވިއަންގެ ފްލީޓުގައި 24 ފްލައިޓު ހިމެނޭއިރު، އޭގެ ތެރެއިން ރާއްޖެއިން ބޭރަށް ދަތުރުކުރަނީ އެއާބަސް އޭ330 އާއި އެއާބަސް އޭ320 މަރުކާގެ ފްލައިޓްތަކެވެ. އަލަށް ހޯދާ ފްލައިޓާއެކު މޯލްޑިވިއަންގެ ދަތުރުތައް އިތުރަށް ފުޅާވެގެންދާނެއެވެ.
